ამჯერად მოქალაქეებმა პროტესტის ნიშნად სოფელ დიდ აჭარაში აჭარის მთავრობის მეთაური თორნიკე რიჟვაძე არ შეუშვეს, მანამდე კი იმავე სოფლიდან მაჟორიტარობის კანდიდატი სახელისუფლებო გუნდიდან ანზორ ბოლქვაძე გამოაძევეს. პარალელურად ადგილობრივი ოპოზიცია ასაჯაროებს აუდიო ჩანაწერს, რომელიც ადასტურებს, რომ საარჩევნო პროცესებს მთლიანად სუსი აკონტროლებს, მათ შორის ნიშნავს და მართავს საუბნო კომისიის წევრებს.

ვიდეო, სადაც ჩანს აჭარის მთავრობის მეთაური თორნიკე რიჟვაძე, რომელსაც შეხვედრის საშუალებას არ აძლევენ ადგიოლობრივები, სოციალურ ქსელში ცოტა ხნის წინ გავრცელდა.

დიდი აჭარის მაცხოვრებლები აცხადებენ, რომ მაჟორიტარობის კანდიდატს ანზორ ბოლქვაძეს 12 წლის განმავლობაში ხულოს რაიონისათვის არაფერი გაუკეთებია, ხალხი მხოლოდ წინასაარჩევნოდ ახსენდება და მომდევნო ოთხი წლის განმავლობაში მხოლოდ საკუთარ კეთილდღეობაზე იზრუნებს.