ევროპულმა საქართველომ დღეს, თბილისში, რესპუბლიკის მოედანზე, მოსახლეობასთან შემაჯამებელი შეხვედრა გამართა.

ევროპული საქართველოს ახალგზარდა სპიკერის, თათია ვახტანგაძის თქმით, 31 ოქტომბრის არჩევნები არის არჩევანი ერთ ადგილზე დგომასა და ცვლილებას შორის, წარსულსა და მომავალს შორის, ხოლო ეს არჩევანი ვერ გაკეთდება ახალგაზრდების გარეშე.

ვახტანგაძემ აღნიშნა, რომ ვერასდროს ვერავინ ვერ შეძლო ახალგზარდების ხმის ჩახშობა და ახლაც, 31 ოქტომბერს, ახალგზარდები დაუჭერენ მხარს გარდამტეხ ცვლილებებს.

„ჩვენ ვუახლოვდებით ერთ-ერთ ყველაზე მნიშვნელოვან მომენტს საქართველოს ისტორიაში. 31 ოქტომბერს უნდა გავაკეთოთ არჩევანი ერთ ადგილზე დგომასა და ცვლილებას შორის, წარსულსა და მომავალს შორის, საბჭოთა საქართველოსა და თავისუფალ საქართველოს შორის. ეს არჩევანი ვერ გაკეთდება ჩვენი თაობის გარეშე.

ხშირად გვეუბნებიან ახალგაზრდებს, რომ ჩვენ უნდა ავაშენოთ ქვეყნის მომავალი და სწორედ ახლა იწყება თავისუფალი მომავლის შენება! ისინი ცდილობენ ჩვენი ხმის ჩახშობას, მაგრამ ვერავინ ვერასდროს ვერ შეძლო ახალგაზრდების შეჩერება შეეცვალათ ის, რისი შეცვლაც გარდაუვალია, რისი შეცვლაც ჩვენი ვალდებულებაა და ახლა სწორედ ამ მომენტის წინაშე ვდგავართ.

ჩვენ ვალდებული ვართ, შევცვალოთ და დავიწყოთ თავისუფალი მომავლის შენება! ჩვენი ვალია, მხარი დავუჭიროთ გარდამტეხ ცვლილებებს და წავიდეთ სწორი მიმართულებით. ჩვენ დავწერთ ისტორიას 31 ოქტომბერს.“ - განაცხადა ვახტანგაძემ.