ისინი ითხოვდნენ, თვითიზოლაციაში მყოფი ადამიანებისთვის გასატანი ყუთებით სარგებლობის რეგისტრაციის დრო საღამოს 22 საათამდე გადაეწიათ.

ჟვანიას მხრიდან უარის მოსმენის შემდეგ ხოშტარიამ და გოგორიშვილმა განაცხადეს, რომ არ დატოვებდნენ შენობას, თუ მათი მოთხოვნა არ შესრულდებოდა.

ამის პარალელურად შენობის გარეთ მიმდინარეობდა აქცია, რომლის მონაწილების ასევე ითხოვდნენ გადასატანი ყუთებით სარგებლობის რეგისტრაციის დროის გადაწევას.

შეგახსენებთ, ცესკომ გუშინ განაცხადა, რომ მათ 900-მდე ადამიანმა მიმართა, თუმცა, მათი ნაწილი არ იყო ჯანდაცვის სამინისტროს ბაზაში და ამიტომ ცესკომ ისინი ვერ დაარეგისტრირა.

თვითიზოლაციაში მყოფ ადამიანებს დასარეგისტრირებლად დრო 14:00 საათამდე ჰქონდათ. ისინი ჯანდაცვის სამინისტროს ბაზაშიც უნდა იყვნენ.

როგორც ელენე ხოშტარია აცხადებს, უამრავი ადამიანი ცდილობს ცესკოსთან დაკავშირებას, რათა გაიგოს, არის თუ არა გადასატანი ყუთების მიმღებთა სიაში, თუმცა ყოველი მცდელობ ა უშედეგოა. დეპუტატის თქმით, სახელმწიფო თვითიზოლაციაში მყოფ ადამიანებს ხმის მიცემის უფლებას ართმევს.