ხელისუფლებას მოკავშირედ გვერდით უდგას კრიმინალი

ხელისუფლებას მოკავშირედ გვერდით უდგას კრიმინალი - რატიანი

პოლიტიკა - 12:49, 27 Oct, 2020

496

ევროპული საქართველოს მაჟორიტარობის კანდიდატი საჩხერის, ჭიათურისა და ხარაგაულის ოლქში, სერგო რატიანი, ხელისუფლების მხირდან წინაარჩევნოდ, ზეწოლაზე საუბრობს.

რატიანის თქმით, ხელისუფლება აქტიურად ახდენს ზეწოლას სხვადასხვა ინტერეს-ჯუფბზე, მათ შორის ბიზნესზე, სკოლის დირექტორებსა საჯარო მოხელეებზე.

რატიანმა აღნიშნა, რომ წინასაარჩევნოდ ხელისუფლებას მოკავშირედ ყავს კრიმინალი, ამრიგად ის კრიმინოგენული ვითარება, რაც ქვეყანაშია შექმნილი, არ არის გასაკვირი.

„ხელისუფლების მხრიდან მიმდინარეობს ფართომასშტაბიანი, ორგანიზებული კამპანია, ზეწოლა, ფაქტობრივად ყველა ინტერეს-ჯგუფზე. ეს ინტერეს ჯგუფებია პირველ რიგში ადამიანები, რომლებიც დასაქმებული არიან საჯარო სექტორში, მათ შორის განსაკუთრებით დიდი ზეწოლაა მასწავლებლებზე, ჩემს კამპანიაში არიან ადამიანები, რომლებსაც პირადად უთვლიან მუქარებს.

გარდა ამისა, იცით, რომ საქართველოში ფაქტიურად არ გვეყოლება არჩეული დირექტორები და ყველა დირექტორი არის დანიშნული და მათი რიცხვი არის 2000 სკოლიდან 1400 სკოლამდე, იქ არიან დანიშნული დირექტორები და ეს გააკეთეს სპეციალურად, იმისთვის, რომ ყველა დირექტორზე იყოს ზეწოლა. ის ნაწილი, ვინც მათთვის სასურველი არ არის, პირდაპირ ანთავისუფლებენ, საჯარო მოხელეები უბრალოდ ხმას ვერ იღებენ და ვერ გამოდიან შეხვედრებზე, თუმცა ბევრი მათგანის გზავნილია, რომ ისინი მაინც არ მისცემენ ხმას ხელისუფლებას.

აღარ არის საუბარი მოსყიდვებზე და პირდაპირ ფულის გადაცემაზე და ასევე, ბიზნესზე არის მართლაც ძალიან სერიოზული და მძიმე ზეწოლა. ჩართულია კრიმინალი ამ კამპანიაში და ის კრიმინოგენული ვითარება, რაც ქვეყანაშია შემქნილი, გარკვეულ წილად არის ბმაში იმასთან, რომ პოლიციელები, სამართალდამცავები ხედავენ, რომ ხელისუფლებას მოკავშირედ გვერდით უდგას კრიმინალი.“ - განაცხადა რატიანმა.