"მასზეც არსებობს კონკრეტული სისხლისსამართლის საქმეებთან დაკავშირებით ეჭვები" - კობახიძე გვარამიას დაკავებას არ გამორიცხავს

პოლიტიკა - 14:07, 26 Oct, 2020

1770

პარლამენტის ყოფილი თავმჯდომარე ნიკა გვარამიას “ქართუ ბანკის" ყოფილ ვიცე-პრეზიდენტთან, ელდარ გოგოლაძესთან ინტერვიუს აფასებს და მას ჭორაობას უწოდებს.

"არა მგონია, რაიმე სერიოზული კომენტარის გაკეთება შეიძლებოდეს ამ ინტერვიუზე, ეს იყო ორი ადამიანის ერთგვარი ჭორაობა, რომელთაგან ერთ-ერთი იყო ცნობილი "კაგებეშნიკი", თან კაგებეს მაღალჩინოსანი, ანუ რუსულ რესურსს იყენებს ამ შემთხვევაში ის პარტია და მისი ტელევიზია, რომელიც პირდაპირ არის მხილებული რუსული საქმის კეთებაში საქართველოში, აი ეს არის მარტივი კომენტარი", - ირაკლი კობახიძე

რაც შეეხება "ოცნების" იდეოლოგის, ლაშა ნაცვლიშვილის მუქარის შემცვლელ განცხადებას, კობახიძემ თქვა:

“ეს არ არის მუქარა აქ არის საუბარი იმაზე, რომ გარკვეული ეჭვები არსებობს კონკრეტულ ადამიანებთან დაკავშირებით დანაშაულის ჩადენის კუთხით. გოგოლაძეს რაც შეეხება, არის ცნობილი საქმე - ამერიკელი ჩინოსანი იყო საქართველოში, რომლის მკვლელობა მოხდა და იქ იკვეთება მისი სახელი და გვარი. ჩვენ ვერაფერზე ვისუბრებთ ვიდრე არ დადგინდება ეს დანაშაული, გამომდინარე იქიდან, რომ უნდა დავიცვათ უდანაშაულობის პრეზუმცია. რაც შეეხება ნიკა გვარამიას, მასზეც არსებობს კონკრეტული სისხლისსამართლის საქმეებთან დაკავშირებით ეჭვები. ამიტომ ეს არის ზოგადი განცხადება დანარჩენი არის სამამართლოს საქმე, რაც შეეხება ციხეს, ციხესთან დაკავშირებით გადაწყვეტილბას იღებს მხოლოდ და მხოლოდ სასამართლო", - თქვაკობახიძემ.