განათლების მინისტრის მოადგილე, ეკა დგებუაძე აცხადებს, რომ საარჩევნო უბნების ძირითადი ნაწილი სკოლების შენობებშია განთავსებული.

მისი განმარტებით, სწორედ ამიტომ გადაწყდა, რომ კორონავირუსის შესაძლო გავრცელების პრევენციის მიზნით, ეს სკოლები 1 კვირით დისტანციურ რეჟიმზე გადავლენ. ამის შესახებ დგებუაძემ საკოორდინაციო საბჭოს სხდომის შემდეგ გამართულ ბრიფინგზე ისაუბრა.

"იმის გამო, რომ დავიცვათ თითოეული მოქალაქის ჯანმრთელობის მდგომარეობა, ავიცილოთ რისკები თავიდან, მიღებული იქნა გადაწყვეტილება, რომ, სავარაუდოდ, ერთი კვირის განმავლობაში სასწავლო პროცესი იმ სკოლებში, სადაც საარჩევნო უბნები არის განთავსებული, გადავა დისტანციურ ფორმატზე და მომდევნო კვირაში ჩვეულ რეჟიმში განახლდება". – ამბობს დგებუაძე.