მედია, რომელიც არ ატარებს სამთავრობო ხაზს და არ ზის სამთავრობო ტალღაზე, არის მიუღებელი ივანიშვილისთვის

მედია, რომელიც არ ატარებს სამთავრობო ხაზს და არ ზის სამთავრობო ტალღაზე, არის მიუღებელი ივანიშვილისთვის - კაპანაძე

პოლიტიკა - 11:42, 22 Oct, 2020

640

ევროპული საქართველოს საარჩევნო შტაბის ხელმძღვანელი, სერგი კაპანაძე, „ტვ პირველის“ დამფუძნებლის მამაზე მუქარას ეხმიანება.

კაპანაძის თქმით, ეს არის ის ხაზი, რომელსაც ივანიშვილის ხელისუფლება ატარებს, რომ ყველა მათდამი კრიტიკულად განწყობილი ადამიანი თუ მედია საშუალება, არის მათი მტერი.

„ავთანდილ წერეთელზე მუქარა არის გამოვლინება იმ ზოგადი დამოკიდებულების ხელისუფლების მხრიდან კრიტიკული მედიის მიმართ, რომ მედია, რომელიც არ იცავს მთავრობას, მედია რომელიც არ ატარებს სამთავრობო ხაზს და არ ზის სამთავრობო ტალღაზე, არის მიუღებელი ივანიშვილისთვის.

მთელი ამ წლების განმავლობაში ეს იყო ხაზი, რომელსაც ატარებდა ივანიშვილის, მისი მმართველობა ცალსახად გამოირჩევა იმ მიდგომით, რომ ყველა ვიც მას აკრიტიკებს, არის მისი მტერი და ეს ჩნდებოდა წლების განმავლობაში არამარტო ტვ პირველის, არამედ ადრე რუსთავი 2-ის, შემდეგ მთავარის, იბერიას და სხვა ტელევიზიებთან მიმართებაში.

ეს არის სრულიად არაჯანსაღი დამოკიდებულება ავტორიტარი მმართველის, რომელიც სერიოზულ; საფრთხეს უქმნის ქვეყნის სტაბილურიბას, ქვეყანაში თავისუფალ სიტყვას და დემოკრატიულ განვითარებას და ეს დამოკიდებულება სამუდამოდ შეიცვლება 31 ოქტომბერს, როდესაც ივანიშვილი დამარცხდება, ჩამოშორდება ხელისუფლებას და მედიას აღარ ექნება საფრთხე მომავალში.“ - აცხადებს კაპანაძე.