საკვირაო წირვის შემდეგ ბოდბელმა ეპისკოპოსმა, მეუფე იაკობმა მრევლს ქადაგებით მიმართა.

მეუფე ქადაგებისას კარტოგრაფების საქმესაც შეეხო და განაცხადა, რომ საზოგადოებამ თავი უნდა შეიკავოს გამოძების დასრულებამდე ვინმე "მოღალატე" უწოდოს.

"მამა კირიონს არსად არ ალაპარაკებენ, ხელს უშლიან ჟურნალისტები. ამ წინა დღეებში მისცა სრული ინტერვიუ და 2005 წლიდან სულ არის აღწერილი ვის როგორ შეხვდა, ვის რა ეუბნებოდა, თვითონ მელაშვილის საქციელები, როგორია. კაცი ახლა დაჭერილია და ერთ მხარეს გამოჰყავს ფრთიან ანგელოზად, მეორე მხარე ეძახის მოღალატეს.

არ შეიძლება როცა სასამართლოს არ აქვს მიღებული რაღაც, მოღალატე რთული რაღაცაა. კაცმა გინდ ჩაიდინოს რაღაც, ოჯახი ჰყავს, ნათესავები ჰყავს, გავუფრთხილდეთ, ვაიდა არ აღმოჩნდეს მოღალტე, რას შვები მერე? სიტყვით კლავ ხო კაცს? თუ აღმოჩნდა, რატომ იცავ?" – თქვა მეუფე იაკობმა.