ე.წ. კარტოგრაფების საქმის მოსამართლისა და მისი ძმის კავშირები სახელისუფლებო პარტიასთან

ე.წ. კარტოგრაფების საქმის მოსამართლისა და მისი ძმის კავშირები სახელისუფლებო პარტიასთან - რა გამოავლინა "ფლანგვის დეტექტორმა?"

პოლიტიკა - 15:00, 17 Oct, 2020

1486

არასამთავრობო ორგანიზაცია „ფლანგვის დეტექტორმა“ ე.წ. კარტოგრაფების საქმის მოსამართლეზე ახალი გარემოებები გაარკვია. ორგანიზაციის განცხადებით, პაატა სილაგაძე სასამართლოს კლანის წევრი, ხოლო მისი ძმა, ლაშა სილაგაძე კი "ქართულ ოცნებასთან" დაახლოებული ბიზნესმენია, რომელსაც პარტიისთვის 210 ათას ლარზე მეტი აქვს შეწირული.

ლაშა სილაგაძე 2018 წლამდე დირექტორის თანამდებობაზე სამ კომაპნიაში მუშაობდა, რომლებიც "ფონდი ქართუს" მისამართზე ფიქსირდება.

"ჩნდება კითხვები გამომდინარე იქიდან, რომ მოსამართლის უახლოესი ოჯახის წევრი არის ბიძინა ივანიშვილის კომპანიების ყოფილი დირექტორი და მასთან დაკავშირებული პირი", - აცხადებს " ფლანგვის დეტექტორის“ წარმომადგენელი ხატია ნიკოლაიშვილი.

2018 წლამდე მოსამართლის ძმა, ლაშა სილაგაძე "თაბორი რიზორთსის", "ჯორჯიან ეკო ტრანსპორტის" და "სპორტს ჰოტელ ენდ რიზორტის" დირექტორი იყო. ლაშა სილაგაძემდე კი ამ კომპანიებში დირექტორის პოსტი ირაკლი ქარსელაძეს ეკავა, რომელიც ახლა ინფრასტრუქტურის მინისტრის პირველი მოადგილეა.