ჩემთვის უკადრებლის კადრებაა ის, როდესაც ბარბარე რაფალიანცის გარდაცვალებას იყენებ იმისთვის, რომ არჩევნები მოიგო დე მერე გავიწყდება

ჩემთვის უკადრებლის კადრებაა ის, როდესაც ბარბარე რაფალიანცის გარდაცვალებას იყენებ იმისთვის, რომ არჩევნები მოიგო დე მერე გავიწყდება - ბაქრაძე

პოლიტიკა - 16:50, 16 Oct, 2020

677

ევროპული საქართველოს ლიდერი, დავით ბაქრაძე გიორგი გახარიას განცხადებას პასუხობს, რომელმაც განაცხადა, რომ არჩევნებამდე 2 კვირა ძალიან ტოქსიკური იქნება, რადგან წინასაარჩევნოდ პოლიტიკოსები ყველაფერზე მიდიან.

ბაქრაძის თქმით, იმ პოლიტიკური ძალისაგან , რომელიც არჩევნებზე ყველაფერს კადრულობს, მათ შორის რაფალიანცის თემას და დავით გარეჯის საქმეს, ოპოზიციისკენ ხელის გამოშვერა მიუღებელია.

ბაქრაძემ აღნიშნა, რომ ქართულმა ოცნებამ შიშები და ტოქსიკურობები თავისკენ უნდა მოიკითხოს.

„ჩემთვის უკადრებლის კადრება არის ის, რომ ყველა ქართველისთვის ემოციურ თემას და დავით გარეჯს იყენებ არჩევნებამდე 3 კვირით ადრე იმისთვის, რომ არჩევნები მოიგო, ჩემთვის უკადრებლის კადრება არის ის, როდესაც ზურაბ ჟვანიას გარდაცვალებას იყენებ იმისთვის, რომ არჩევნები მოიგო და შემდეგ გავიწყდება, ჩემთვის უკადრებლის კადრებაა ის, როდესაც ბარბარე რაფალიანცის, 9 თვის ბავშვის გარდაცვალებას იყენებ იმისთვის, რომ არჩევნები მოიგო დე მერე გავიწყდება, ამიტომ, იმ პოლიტიკური ძალისგან, რომლის სტანდარტშიც შედის ყველაფრის გაკეთება და ყველაფრის გამოყენება არჩევნების მოსაგებად, ოპოზიციისკენ ამ თემაზე ვერანაირი ხელის გაშვერას ვერ მივიღებთ.

ჩვენი ამოცანაა, პირიქით, მშვიდად, ნორმალურად ამ დაზრფრული გარემოსგან თავისუფლად ადამიანები მოვიყვანოთ არჩევნებზე და ქვეყანას მოვუტანოთ ცვლილებები, რადგან ის რაც დღეს საქართველოს სჭირდება, არის გარდამტეხი ცვლილებები და ქართული ოცნების ხელში გატარებული თითოეული დღე ამ ქვეყნისთვის არის უკან გადადგმული ნაბიჯი, მეტი გაღარიბებული ადამიანი, უკან წასული ეკონომიკა და მეტი შექმნილი პრობლემა. ამიტომ, შიშები და ტოქსიკურობები მოიკითხონ თავისკენ, ჩვენი ამოცანაა, რომ ქვეყანა მივიყვანოთ ცვლილებებამდე და ქვეყანა წავიყვანოთ წინ.“