"ღარიბაშვილის მინისტრობა საკმარისი ფაქტია იმისათვის, რომ ხელისუფლებამ არჩევნები წააგოს“ - ნიკა მელიამ თავდაცვის მინისტრს ინტელექტისგან დაცლილი უწოდა

პოლიტიკა - 14:16, 16 Oct, 2020

4324

„ღარიბაშვილი ინტელექტისგან დაცლილი ადამიანია“ - ასე პასუხობს ერთიანი ნაციონალური მოძრაობის პოლიტიკური საბჭოს თავმჯდომარე და გლდანის მაჟორიტარი დეპუტატობის კანდიდატი ნიკა მელია ღარიბაშვილის განცხადებას, სადაც მან ენმ-ს მოღალატეები უწოდა.

"ელემენტარული განათლებისა და ინტელექტის ნაკლებობას განიცდის ბატონი ღარიბაშვილი და სხვაგვარად უბრალოდ ვერ გამოთქვამს საკუთარ აზრს,

თვითონ ის ფაქტი, რომ ბატონი ღარიბაშვილი არის თავდაცვის მინისტრი, საკმარისია იმისთვის, რომ ეს ხელისუფლება 31 ოქტომბერს არჩევნებში დამარცხდეს. ძნელად მახსენდება ინტელექტისგან ამდენად დაცლილი, განათლებისგან შორს მდგომი სახელმწიფო თანამდებობის ისეთი პირი, როგორიც ის არის. მას ელემენტარული ლექსიკაც კი არ ჰყოფნის იმისთვის, რომ დააფიქსიროს თუნდაც მწვავე პოზიცია ისე, რომ შეურაცხყოფა არ მიაყენოს საზოგადოების დიდი ნაწილს. როცა ის შეურაცხყოფას აყენებს ოპოზიციას იმ ფორმით, შეურაცხყოფას აყენებს საზოგადოების უდიდეს ნაწილს რადგან დღეს აბსოლუტური უმრავლესობა მხარს უჭერს ოპოზიციას" - განაცხადა ნიკა მელიამ.