ცნობილ ტელეწამყვან ს, დავით სოკოლოვს საცხოვრებელი სახლის პრობლემა 20 წლის განმავლობაში ჰქონდა. წლების წინ, მან ბინის შესაძენად თანხა შეიტანა, თუმცა ომიანობის პერიოდის გამო მშენებლობა შეჩერდა და მობინადრეებმა დაკარგეს თანხა. ერთ-ერთი იყო დავით სოკოლოვი, რომელიც 20 წლის მანძილზე ცდილობდა ამ პრობლემის მოგვარებას და როგორც მან ვიდეომიმართვაში განაცხადა, ეს საკითხი კახა კალაძის მეშვეობით გადაწყდა და მას უკვე საკუთარი სახლი აქვს.

„ავად ვარ. 20 წელზე მეტი ბინას ველოდით, ყურად არავინ იღო ჩემი მცდელობები... ამან ჩემი მეუღლე შეიწირა და მგონი, მეც ვეწირებოდი. 20 წლის განმავლობაში ყურადღება არავინ მომაქცია. კახა კალაძე რომ მოვიდა თანამდებობაზე, მასთანაც ვცდე. შევედი სალაპარაკოდ და საუბარიც ვერ მოვასწარი, ისე გადაწყვიტა ჩემი საქმე. რამდენიმე საათში უცებ გადაწყვიტა ჩემი ამბავი. ძალიან გამიკვირდა...

ხატზე შემიძლია დავიფიცო და ვთქვა, რომ ეს კაცი ჩემი სათაყვანებელია. ღმერთმა კარგად ამყოფოს... როცა რამდენიმე კლინიკა გამოვიცვალე, იქაც მაქცევდა ყურადღებას. თუ შევძელი და პირადად ვუთხარი ეს ყველაფერი ხომ კაი, თუ არადა, ისე მაინც იცოდეს, რომ მე მაგის მლოცველი ვიქნები ყოველთვის“, - ამბობს სოკოლოვი.