"შეიძლება მე რადიკალური ვიყო... ამიტომ საჭიროა ამ დანის პირზე სიარული"- გამყრელიძე გახარიას გადაწყვეტილებას არ ეთანხმება?

პოლიტიკა - 14:42, 15 Oct, 2020

2927

დაავადებათა კონტროლის ეროვნული ცენტრის ხელმძღვანელი ირწმუნება, რომ საკოორდინაციო საბჭოზე ნებისმიერი გადაწყვეტილება კონსესუსის გზით მიიღება, თუმცა იქვე დასძენს, რომ "ზოგჯერ შეიძლება რადიკალური იყოს".
„ზოგჯერ შეიძლება მე რადიკალური ვიყო, მაგრამ ჯერდება სხვადასხვა მოსაზრებები, გასათვალისიწნებელია ბევრი საკითხი და იმის შემდეგ მიიღება გადაწყვეტილება. დღევანდელი გადაწყვეტილებებიც კონსესუსით იქნა მიღებული. ზოგადად, მთლიანად დაავადების მართვის პოლიტიკა არის შეცვლილი გლობალურადაც და საქართველოშიც. ძალიან მკაცრ ლოქდაუნებზე აღარ არის საუბარი, მით უმეტეს იმ ტიპის ეკონომიკებში, როგორებიც ჩვენ ვართ"- თქვა საკორდინაციო საბჭოს დასრულების შემდეგ გამყრელიძემ.

მისი თქმით, ეკონომიკა ვერ გაჩერდება.
"ეკონომიკას ვერ გააჩერებ, ადამიანებს მეტი სიღარიბისკენ ვეღარ უბიძგებ, ამიტომ საჭიროა ამ დანის პირზე სიარული, უნდა დავიცვათ სწორი ბალანსი. ჯანდაცვის სისტემა დღეს ბევრად მზად არის, ვიდრე იყო გაზაფხულზე და უძლებს ბევრად მეტ დაწოლას, ვიდრე იყო გაზაფხულზე. უნდა გაიხსნას ეკონომიკაც და უნდა გაიზარდოს მზადყოფნაც“, - განაცხადა ამირან გამყრელიძემ.