თავის მხრივ, ჯუმბერ ვარდმანიძე აცხადებს, რომ არქივში არ იძებნება არც ერთი განცხადება, რომელიც თედორაძის სახელით იყო შესული მერიაში. ამის საპასუხოდ, სტიქიის დროს დაღუპული ლევან თედორაძის დეიდა ამბობს, რომ მერიაში სპეციალურად დამალეს განცხადება, რათა პასუხისმგებლობა თავიდან აიცილონ.

შეგახსენებთ, რომ 1 ოქტომბერს გადაუღებელი წვიმების შედეგად ხელოვაჩაურში მეწყერული პროცესები განვითარდა. ჩამოწოლილმა მიწამ თედორაძეების სახლი მთლიანად გაანადგურა და ოჯახის სამი წევრის სიცოცხლე იმსხვერპლა.