ჩვენ არ უნდა გამოვაყენებინოთ ივანიშვილსა და რუსეთს ჩვენი ეკლესია ჩვენი სახელმწიფოებრიობის წინააღმდეგ

ჩვენ არ უნდა გამოვაყენებინოთ ივანიშვილსა და რუსეთს ჩვენი ეკლესია ჩვენი სახელმწიფოებრიობის წინააღმდეგ - უგულავა

პოლიტიკა - 12:09, 15 Oct, 2020

806

ევროპული საქართველოს ზუგდიდის მაჟორიტარობის კანდიდატი, გიგი უგულავა, დავით გარეჯის საქმესა და მეუფეების განცხადებებს ეხმაურება.

უგულავამ აღნიშნა, რომ რუსეთი კოლექტიური ჯაღმაიძეებისა და შალვა კეკელიების ხელით საქართველოს ართმევს ერთ-ერთ უმთავრეს ინსტიტუტს, ეკლესიას.

უგულავამ აღნიშნა, რომ ამ ფონზე, კონკრეტული მეუფეების განცხადება, რომ ეს ორი ადამიანი არის ივანიშვილის რეჟიმის მძევალი არის არამარტო მორალური თანადგომა, არამედ ამოღებული ხმა და გმირობა, რომელიც ივანიშვილს არ მისცემს საშუალებას, რომ ეკლესია ჩააბაროს რუსეთს.

უგულავას თმით, ივანიშვილი საკუთარი უმეცრებისა და რუსეთის მაამებლობის გამო ურთიერთობას აფუჭებს ქვეყნის სტრატეგიულ პარტნიორთან, ამის გამო კი მას საზოგადოება მკაცრ სასჯელს გამოუტანს.

„რუსეთი კოლექტიური ჯაღმაიძეების და შალვა კეკელიების ხელით, პრაქტიკულად გვართმევს ჩვენს ეკლესიას, რომელიც საქართველოსთვის ერთ-ერთი უმთავრესი ინსტიტუტია. ამ ფონზე, მეუფეების განცხადება, რომ ორი უდანაშაულო ადამიანი ივანიშვილს მძევლად ჰყავს აყვანილი, არის არამარტო მორალური თანადგომა ამ ადამიანებისათვის, რომელიც ძალიან მნიშვნელოვანია, მე საკუთარი გამოცდილებით შემიძლია ვთქვა, ეს არის ამოღებული ხმა და განცხადება, რომელიც სწორედ იმას გამოხატავს, რომ რაც არ უნდა და ვისი საშუალებითაც არ უნდა შეეცადოს ივანიშვილი, ის საქართველოს ეკლესიას ვერ და არ ჩააბარებს რუსეთს. ეს არის უმნიშვნელოვანესი ბრძოლის მონაკვეთი, რადგან ჩვენ სამწუხაროდ ვხედავთ, რომ რუსეთი პირდაპირ ცდილობს გამოიყენის ჩვენი ეკლესია საქართველოს სახელმწიფოებრიობის წინააღმდეგ. ამიტომ, ყველა პატრიოტის ვალია, ამოიღოს ხმა და აღუდგეს ამ პროცესს წინ. ჩვენ არ უნდა გამოვაყენებინოთ ივანიშვილსა და რუსეთს ჩვენი ეკლესია ჩვენი სახელმწიფოებრიობის წინააღმდეგ.

ამიტომ, მართლაც გმირობის ტოლფასია მეუფეების განცხადება, მე ვიცი, რომ ძალიან ბევრი ადამიანი ეკლესიაში სწორედ ასე ფიქრობს და მე დარწმუნებული ვარ, რომ ივანიშვილის ხელით ჩვენს ეკლესიას რუსეთი ვერ დაგვინგრევს. ვუსურვებ ორ ივანიშვილის მძევალს, ორ პატრიოტ ადამიანს, გამძლეობას, მხნეობას და მე დარწმუნებული ვარ, რომ მათი პატიმრობა არის ხანმოკლე, მაგრამ მათი გმირობა ძალიან დიდი ხანი იქნება ჩვენ საზოგადეოაბში განხილვის საგანი.

ეს საქმე თეთრი ძაფით არის შეკერილი, აქ ძალიან კარგად ჩანს რუსეთის სპეცსამსახურების ხელი, კარგად ჩანს, რომ ივანიშვილი საკუთარი ძალაუფლების შესანარჩუნებლად წამსველია ყველაფერზე, წამსვლელია იმაზე, რომ გახლიჩოს ეკლესია და ჩააბაროს ის რუსეთს, წამსვლელია იმაზე, რომ საშვილიშვილოდ გააფუჭოს ურთიერთობები ჩვენ სტრატეგიულ პარტნიორთან, აზერბაიჯანთან და რაც მთავარია, მზად არის ამისათვის გაწიროს საშვილიშვილოდ ის პროცესი, რომ თეორიულადაც კი მოუსპოს საქართველოს ის შანსი, რომ გარეჯის ერთიანი კომპლექსი ადრე თუ გვიან საქართველოს საზღვრებს ქვეშ მოექცეს, რადგან ეს მხოლოდ შესაძლებელია აზერბაიჯანთან ნორმალური, ადამიანური, სტრატეგიული და მეგობრული ურთიეთობების ფონზე.