ევროპული საქართველოს ბათუმის მაჟორიტარობის კანდიდატის, არმაზ ახვლედიანის თქმით, დღევანდელი სასამართლო სისტემა პოლიტიკოსთა მონა-მორჩილია და მოსამართლეების მთელი კორპუსი ხელმძღვანელობს იმით, თუ რას უტყვის ბატონი და რა განწყობა აქვს პოლიტიკურ ლიდერს.

ახვლედიანის თქმით, ამის დასასრულებლად საჭიროა სისტემური, ფუნდამენტური, გარდამტეხი ცვლილებები.

„ყოველი მმართველი ძალა გვპირდება, რომ ჩვენი დარღვეული უფლებები იქნება აღდგენილი. ყველა გვპირდება, რომ აღდგება სამართლიანობა. არადა, 20 წელია, უფრო მეტიც, საქართველოში საზოგადოების დიდი ნაწილი თუ რამეთი არის უკმაყოფილო, ეს არის გაუმართავი, კორუმპირებული, პოლიტიკურ ელიტაზე ჩამოკიდებული სასამართლო სისტემა. სწორედ ამიტომაა, რომ ბევრი ჩვენგანი ოცნებობს, მოხვდეს სტრასბურგში, ევროპის ადამიანის უფლებათა სასამართლოში და იქ დაამატკიცოს თავისი სიმართლე. რატომ? იმიტომ, რომ იმ სასამართლოსი სჯერა, ჩვენი სასამართლოსი კი – არა. როგორ შეიძლება, დაუჯერო სასამართლოს, რომელიც პოლიტიკოსთა მონა-მორჩილია. უიშვიათესი გამონაკლისის გარდა, მოსამართლეების მთელი კორპუსი ხელმძღვანელობს სწორედ იმით, რას იტყვის ბატონი, რა განწყობა აქვს პოლიტიკურ ლიდერს, არც მეტი, არც ნაკლები. ეს რომ დავასრულოთ, საჭიროა სისტემური, ფუნდამენტური ცვლილება და ჩვენ ამ ცვლილებებს დავიწყებთ სასამართლოს რეფორმირებით, რომლის შედეგადაც მივიღებთ ნამდვილ, ევროპულ, დამოუკიდებელ სასამართლოს.:“ - განაცხადა ახვლედიანმა.