თავისი თავის ლუსტრაცია მოახდინეს, მათ ისე სჭირდებათ პოლიტიკური ხელისუფლების შენარჩუნება, რომ მზად არიან უდანაშაულო ადამიანები გაწირონ და ეროვნულ ინტერესებს მიაყენონ საფრთხე

თავისი თავის ლუსტრაცია მოახდინეს, მათ ისე სჭირდებათ პოლიტიკური ხელისუფლების შენარჩუნება, რომ მზად არიან უდანაშაულო ადამიანები გაწირონ და ეროვნულ ინტერესებს მიაყენონ საფრთხე - კაპანაძე

პოლიტიკა - 13:22, 12 Oct, 2020

647

ევროპული საქართველოს საარჩევნო შტაბის ხელმძღვანელი, სერგი კაპანაძე, დავით გარეჯის საქმეს ეხმაურება.

კაპანაძის თქმით, ეს არის პოლიტიკური მიზნებისათვის შეთითხნილი საქმე, რომლის მიზანიცაა, რომ წინა ხელისუფლებას ესროლონ ტალახი.

კაპანაძემ აღნიშნა, რომ ამ საქმით დღევანდელმა ხელისუფლებამ მოახდინა თავისი თავის ლუსტრაცია, რომ შეუძლიათ გაწირონ უდანაშაულო ადამიანები, ეროვნული ინტერესები დააზიანონ და ითანამშრომლონ რუსეთის სპეც-სამსახურებთან.

„დავით გარეჯის საქმე ეს რეალურად არ არის, იმიტომ, რომ ის რასაც ედავებიან ბატონ მელაშვილს და ქალბატონ ილიჩოვას არ არის შემხებლობაში დავით გარეჯთან პირდაპირ. ეს არის ჩვეულებრივად კარტოგრაფების საქმე, ეს არის საქმე, რომელიც იქნა პოლიტიკური მიზნებისათვის შეთითხნილი, რომ ტალახი ესროლონ წინა ხელისუფლებას, იმის გამო, რომ თვითონ ვერაფერს ვერ სთავაზობენ საზოგადოებას, იმის გამო, რომ თვითონ არცერთი პრობლემის გადაჭრის გზა და გეგმა არ აქვთ და მათ შორის ყველა მნიშვნელოვანი პრობლემა ჩაუფლავდათ და სულ ბოლო ამის მაგალითი არის ლარი და პანდემია, ამის გამო, რომ გადაიტანონ ყურადღება სხვა საკითხზე, რომელიც არის მგრძნობიარე საკითხი ჩვენი თანამოქალაქეებისათვის, ეს არის დავით გარეჯის თემა, გადაიტანეს ისრები და თითქოს აღმოაჩინეს ორი გამყიდველი სამშობლოსი, მიუხედავად იმისა, რომ არანაირი იურიდიული, სამართლებრივი, მორალური და საერთოდ არანაირი საქმე არ არსებობს.

ბუნებრივია, ამ საქმეში, ცალკე ყურადღების ღირსია მომენტი, რომ თითქოს რაღაც დაკარგული რუკის აღმოსაჩენად და ეს რუკა არ ყოფილა დაკარგული, მთელი ეს საქმე ტყულია, მაგრამ თითქოს ამ დაკარგული რუკის აღმოსაჩენად პირდაპირ დაიწყეს თანამშრომლობა რუსეთის სპეც-სამსახურებთან ღიად, ამას არც მალავენ და მათ შორის იმ ადამიანებთან, რომლებიც ეჭვმიტანილი არიან და ბრალდებული და მსჯავდებული არიან აქ ტერორისტული აქტების მოწყობაში და მათ მეგობრების და თანაშრომლების დახმარებით, იგორ გიორგაძეს ვგულიუსხმობ, ჩამოიტანეს თითქოს დაკარგული რუკები, რომლებიც წამოიღეს უშიშროების არქივებიდან.

თავისი თავის ლუსტრაცია მოახდინეს რეალურად, რომ ამ ყველაფერში მათ ისე სჭირდებათ პოლიტიკური ხელისუფლების შენარჩუნება, რომ მზად არიან უდანაშაულო ადამიანები გაწირონ, ეროვნულ ინტერესებს მიაყენონ საფრთხე და ასევე მზად არიან ღიად ითანამშრომლონ რუსეთის ფედერაციასთან. კარგად უნდა გვესმოდეს ყველას, რომ თუ ვინმე აწყობს ჩვენ და აზებაიჯანს შორის ურთიერთობების დაძაბვა, ეს არის რუსეთი, მითუმეტეს ახლა, ამ კრიტიკულ მდგომარეობაში, როდესაც აზერბაიჯანი ჩართულია კონფლიქტში ჩვენ მეორე მეზობელ და პარტნიორ ქვეყანასთან, სომხეთთან.“ - განაცხადა კაპანაძემ.