ძალადობა და არალეგალური ინსტრუმენტის გამოყენება ვერ უშველის ოცნებას, რომ შეინარჩუნონ ხელისუფლება

ძალადობა და არალეგალური ინსტრუმენტის გამოყენება ვერ უშველის ოცნებას, რომ შეინარჩუნონ ხელისუფლება - კაპანაძე

პოლიტიკა - 11:55, 12 Oct, 2020

556

ევროპული საქართველოს საარჩევნო შტაბის ხელმძღავენლი, სერგი კაპანაძე, გარდაბნის რაიონის სოფელ ყალაჯარალში, ევროპული საქართველოს აქტივისტზე თავდასხმას ეხმაურება.

კაპანაძის თქმით, გუშინ ქართული ოცნების აქტივისტები თავს დაესხნენ ევროპული საქართველოს აქტივისტს, ხოლო მას შემდეგ, რაც ევროპული საქართველოს აქტივისტმა ეს პოლიციაში განაცხადა, მის ოჯახზე მოხდა ზეწოლა და დაშინება.

კაპანაძის თქმით, ხელისუფლების მხრიდან საარჩევნო პროცესში მოსალოდნელია ამგვარი ძალადობრივი ფაქტები, თუმცა როგორც კაპანაძე აღნიშნავს, ეს ქართულ ოცნებას ვერ უშველის ხელისუფლების შენარჩუნებაში.

„ქართული ოცნება ისევ აგრძელებს ძალადობას არჩევნების წინ, გუშინ, გვიან ღამით მოხდა ინციდენტი, როდესაც ევროპული საქართველოს ერთ-ერთ აქტივისტს, თავს დაესნხნენ გარდაბანის რაიონოს სოფელ ყარაჯალარში, ცემეს ის, შემდეგ ის წავიდა პოლიციაში, თქვა, რომ ეს გააკეთა ქართული ოცნების აქტივისტებმა და როგორც ხდება ხოლმე, ტრადიციულად, მის ოჯახზე მუქარის შედეგად, ათქმევინეს, რომ ის არის არა ევროპული საქართველოს, არამედ ქართული ოცნების მხარდაჭერი, რაც ჩვეულებრივი კლასიკური ქართული ოცნების სტილია, ჯერ ძალადობა, შემდეგ ზეწოლა იმ იმედით, რომ პირიქით, გამოჩნდება, რომ ეს ადამიანები აღარ უჭერენ მხარს იმ პარტიას, ვისთან აფილირების გამოც მასზე იძალადეს.

ბუნებრივია, ჩვენ ველით, რომ ესეთი ინციდენტები გაგრძელდება მომავალშიც, მაგრამ მინდა პირდაპირ ვუთხრა ქართული ოცნების წარმომადგენლებს და სამართალდამცველებს, რომ ყველა ესეთი შემთხვევა, ძალადობა, არალეგალური ინსტრუმენტის გამოყენება აუცილებლად იქნება საბოლოო ჯამში დასჯილი. ეს მათ არ უშველით, რომ საბოლოოდ შეინარჩუნონ ხელისუფლება. მათ რაც არ უნდა იძალადონ ევროპული საქართველოს აქტივისტებსა და მომხრეებზე, თუ სხვა პოლიტიკური პარტიის მომხრეებზე, საბოლოო ჯამში, ეს მათ არ მოუტანს შედეგს, რომ შეინარჩუნონ ხელისუფლება და შემდეგში, წაგების მერე, ბუნებრივია, ამ ყველაფრის გამო მათ ექნებათ სერიოზული პრობლემები.“ - აცხადებს კაპანაძე.