ნინო ბურჯანაძე ბაღდათსა და წყალტუბოში ამომრჩევლებს შეხვდა

პოლიტიკა - 17:47, 11 Oct, 2020

886

,,ერთიანი საქართველოს" ლიდერი, ნინო ბურჯანაძე ბაღდათისა და წყალტუბოში ამომარჩევლებს შეხვდა.
ნინო ბურჯანაძემ მათ საარჩევნო პროგრამის ძირითადი მიმართულებები და პრობლემების მოგვარების ხედვა გააცნო.
,,წყალტუბო ყველამ იცის. როგორ შეიძლება ქვეყანას გქონდეს წყალტუბო, ამხელა რესურსი, ასეთი დონის საკურორტო ქალაქი და ის იყოს მკვდარი. ძალიან გულდასაწყვეტია ასეთი წყალტუბოს ნახვა, ულამაზესი ბარდათის ასეთი დაჩანაკებულის ყურება. სადაც გაიხედავ ქალაქები ნაომარი გვხვდება. ეს ხელისუფლება უნდა შეიცვალოს და ეს უნდა გააკეთოთ თქვენ, ხალხმა". - განაცხადა ბურჯანაძემ.შეხვედრას ესწრებოდნენ აფხაზეთიდან წყალტუბოში ჩასახლებული დევნილები, რომლებმაც ტერიტორიული მთლიანობის აღდგენის შესახებ იმსჯელეს. შეხვედრაზე ბაღდათისა და წყალტუბოს მოსახლეობამ მწვავე პრობლემად გამოჰყო ახალგაზრდებისათვის სამუშაო ადგილი, რომლის არქონის გამო ქალაქი დაცარიელდა. მძიმე ეკონომიკური მდგომარეობა და წყალტუბოს რესურსის უფუნქციოდ დატოვება იყო ის საკითხი, რაზეც ნინო ბურჯანაძისგან სამოქმედო გეგმა მოისმინეს. ნინო ბურჯანაძემ ისაუბრა წყალტუბოს სტრატეგიულ მნიშვნელობაზე, როგორც ბალნეოლოგიური საკურორტო ქალაქის ფუნქციაზე და მის ამუშავებაზე.