ახალი ფიგურანტი ე.წ კარტოგრაფების საქმეში - "მთავარმა არხმა" რუსეთში მცხოვრები ბიზნესმენის, დავით ხიდაშელის სკანდალური ჩვენება გაასაჯაროვა. საქმის მასალებიდან ირკვევა, რომ ხიდაშელს მისმა მეგობარმა, ბეჟან მაისურაძემ რუკების მოძიება სთხოვა. ბიზნესმენა რუკები რუსეთის გეოდეზიის, კარტოგრაფიისა და ინფრასტრუქტურის ცენტრიდან (ФСБ) საქართველოში ჩამოიტანა და თავდაცვის სამინისტროს გადასცა. ხიდაშელი კარტოგრაფებს საზღვრის დადგენისას უფრო მსხვილმაშტაბიანი რუკის გამოყენებაში ადანაშაულებს.

კომისიაში მუშაობის დროს კარტოგრაფი ივერი მელაშვილი 1978 წლის და მის შემდგომ პერიოდში შედგენილ რუკებს. ხიდაშელი კი ამბობს, რომ იმ შემთხვევაში თუ ის 1938 წელს შედგენილი რუკით იხელმძღვანელებდა საზღვარი აზერბაიჯანსა და საქართველოს შორის, ჩვენ სასარგებლოდ გადაწყდებოდა.

"აღნიშნულ საკითხზე მე საუბარი მქონდა საქართველოს სახელმწიფო კომისიის ექსპერტთა ჯგუფის ხელმძღვანელ ივერი მელაშვილთან, რომელმაც აღნიშნა, რომ რუკებზე შეთანხმებული მონაკვეთების წითელი ფერის ხაზები მის მიერ ხელით იყო შესრულებული. ეს შეხვედრა საგარეო საქმეთა სამინისტროში 2020 წლის 30 ივლისს და მე ბეჟან მაისურაძესთან ერთად კომისიის თავმჯდომარის, ლაშა დარსალიას მიერ მიწვეული ვიყავი, როგორც სპეციალისტი", - აღნიშნულია ჩვენებაში.