ფასების სტაბილურობას, სამუშაო ადგილების შექმნასა და ლარის გამყარებას მოიტანს მაღალი ეკონომიკური ზრდა

ფასების სტაბილურობას, სამუშაო ადგილების შექმნასა და ლარის გამყარებას მოიტანს მაღალი ეკონომიკური ზრდა - ჭიაბერაშვილი

პოლიტიკა - 17:06, 10 Oct, 2020

798

ევროპული საქართველოს ლიდერმა, დავით ბაქრაძემ, თელავის მოსახლეობას პარტიის მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი წარუდგინა.

პარტიის წევრებმა მოსახლეობის პრობლემები მოისმინეს და მათ გარდამტეხი ცვლილებების გეგმა გააცნეს.

ზურაბ ჭიაბერაშვილმა აღნიშნა, რომ ევროპულ საქართველოს აქვს კონკრეტული გეგმა, რომელიც მოუტანს გარდამტეხ ცვლილებებს როგორც თელავს, ისე მთლიან საქართველოს.

„ჩვენ დღეს თელავში, ჩვენ მხარდაჭერებთან შეხვედრაზე, კიდევ ერთხელ მკაფიოდ ვთქვით, 31 ოქტომბერს ქართველ ხალხს გადაწყვეტილი აქვს ივანიშვილის ხელისუფლებიდან გაშვება, ხალხს აინტერესებს რას იზავს ის კოალიციური მთავრობა, რომლის საყრდენი და ხელხემალი იქნება ევროპული საქართველო.

ჩვენ მოქალაქეებს კიდევ ერთხელ ავუხსენით, რომ ფასების სტაბილურობას, სამუშაო ადგილების შექმნას, ლარის გამყარებას მოიტანს მაღალი ეკონომიკური ზრდა, რომელიც აუცილებლად იქნება შედეგი იმ ეკონომიკური პროგრამის შედეგად, რომელიც ევროპულ საქართველოს აქვს შემუშავებული. ეს იქნება მიმართული კონკრეტული ადამიანების კეთილდღეობაზე, იმაზე, რომ ამოისუნთქოს ქვეყანამაც და ადამინებმაც“ - განაცხადა ჭიაბერაშვილმა.