"სპეკტაკლი, რომელიც ოცნებამ დადგა ხმების მოსაპოვებლად... ჩემს ქმარს გადაუარეს რადგან სხვანაირად ზემდგომ პირებზე ვერ გავიდოდნენ"- ივერი მელაშვილის ცოლი

პოლიტიკა - 16:14, 10 Oct, 2020

983

თამარ სულაძის, ივერი მელაშვილის ცოლის თქმით, მელაშვილის დაკავება დიდი სპეკტაკლია, რათა ეჩვენებინათ, თითქოს "ნაციონალების დროს" გაიყიდა მიწები და ამით ხმები მოეპოვებინა ქართულ ოცნებას. "ეს არის დიდი სპეკტაკლი, რომელიც დადგა ოცნებამ, იმისთვის რომ ეჩვენებინათ, რომ ნაციონალების დროს მოხდა რაღაც მიწების გასხვისება და თვითონ ფრთიანი ანგელოზები არიან და გადაარჩინეს საქართველო და ამით მოეპოვებინათ ხმები. ამის გამო დადგეს ეს სპეკტაკლი და ეს ერთი და ორი დღის დადგმული არაა. ერთი წელი, თუ წელიწად-ნახევარია, ამაზე მუშაობა მიმდინარეობდა. როდესაც ამის გამო, რაღაც ღალატში დაადანაშაულეს კომისიის წევრები, ჩემმა მეუღლემ ვერ მოითმინა ეს", — განაცხადა დაკავებულის ცოლმა. სულაძეს თქმით, კარტოგრაფებს არ შეეძლოთ კომისიის წევრებზე რაიმე ზეგავლენა მოხედინათ. მელაშვილის მეუღლემ დღესვს უპასუხა მამა კირიონს და თქვა, რომ მან რუკა ივერი მელაშვილს არ აჩვენა და თქვა, რომ საქმეს მაღალჩინოსნებს გააცნობდა. "ჩემმა მეუღლემ მითხრა, როდესაც მან [მამა კირიონი] რომ რაღაც მასალები, რუკები არისო, რომელიც ჩვენ სასარგებლოდააო, ვიფიქრე ალბათ პატრიოტი ადამიანია და საქართველოსთვის კარგი უნდაო, ვუთხარი თუ რაიმე გაქვთ ისეთი, განვიხილოთო, მამა კირიონმა თქვა, რომ არა, მე ამას ზემდგომ ორგანოებში წავიღებო. მაშინვე ეჭვი შემეპარა, რომ ამ ადამიანს არა საქრთველოზე ზრუნვა, არამედ სხვა მიზნები ამოძრავებდაო - თქვა თამარ სულაძემ.