მარნეულისა და ჰუჯაბის ეპისკოპოსი, გიორგი ჯანმდელიანი "ქართული ოცნების" ადგილობრივ ლიდერებს მის წინააღმდეგ აგორებულ ცილისმწამებლური კაპანიის წარმართვაში ღიად ადანაშაულებს.

საქმე ეხება"ქართული ოცნების წევრის" ცემის ფაქტს. თმცა, მას შემდეგ, რაც გაირკვა, რომ მმართველი პარტიის წევრს, ფიზიკურად, პოლიტიკური ოპონენტები არ გასწორებიან, მარნეულში გაჩნდა ვერსია, რომ თემურ შუბითიძეს სწორედ მეუფე გიორგი გაუსწორდა.

მეტიც სასულიერო პირის გაწვევის მოთხოვნით მარნეულში ხელმოწერებსაც აგროვებენ.

თავად ეპისკოპოსი, გიორგი ჯანმდელიანი ღიად ამბობს, რომ ამ ვერსიის უკან "ოცნების" ადგილობრივი ლიდერები დგანან, რომელთა მიზანს მისი ეპარქიიდან ჩამოშორება წარმოადგენს.

"პირდაპირ, მთელ ამ პროცესებზე პასუხისმგებლობას ვაკისრებ არსებულ ხელისუფლებას. ეს იმ პოლიტიკის გაგრძელებაა, რაც წინ უძღოდა ამ მოვლენებს - ნარიმან ნარიმანოვის ძეგლის საკითხს. მარნეულის ადგილობრივი ხელისუფლება თავის განცხადებებში არათანმიმდევრულია. თავიდან შუბითიძის ინცინდენტი პოლიტიკურ ოპონენტებს დაუკავშირეს, აღმოჩნდა, რომ კონფლიქტი საყოფაცხოვრებო ნიადაგზე მოხდა. გიდასტურებთ, რომ საქმეზე ბრალდებულები ნამდვილად ჩემი ახლობლები არიან და რადგან ჩემი ნათესავები აღმოჩნდნან, ახლა, საბჭოთა მოცვეთილი მეთოდებით, ახორციელებენ მიზანმიმართულ ცილისმწამებლურ კამპანიას, თითქოს ფიზიკური ანგარიშსწორება შეუკვეთა მეუფე გიორგიმ"- განაცხადა მღვდელმთავარმა.

მეუფე გიორგი აღნიშნავს, რომ პეტიცია, სადაც ეპარქიიდან მის გომოწვევას ითხოვენ "ქართულ ოცნებაში" დაიწერა: "ოცნების წევრები დადიან კარდაკარ და მოტყუებით, ზოგს ეუბნებიან რომ მეუფის დასახმარებლად სჭირდებათ ეს ხელმოწერები. ზოგს ატყუებენ, რომ ხელმოწერები ნარიმანოვის ძეგლის ასაღებად სჭირდებათ. ზოგს აიძულებენ და ასე შემდეგ..."- დასძენს მღვდელმთავარი.