დაწრმუნებული ვარ, რომ მთელი მსოფლიო აქტიურად გაუწევს მონიტორინგს, თუ როგორ წარიმართება საარჩევნო პროცესი საქართველოში

დაწრმუნებული ვარ, რომ მთელი მსოფლიო აქტიურად გაუწევს მონიტორინგს, თუ როგორ წარიმართება საარჩევნო პროცესი საქართველოში - გიგი წერეთელი

პოლიტიკა - 13:19, 10 Oct, 2020

978

ეუთოს საპარლამენტო ასამბლეის პრეზიდენტი, ევროპული საქართველოს ერთ-ერთი ლიდერი, გიგი წერეთელი, ეუთოს დემოკრატიული ინსტიტუტებისა და ადამიანის უფლებების ოფისის გადაწყვეტილებას ეხმაურება, რომელიც კოვიდპანდემიის გამო, საქართველოში, მოლდოვასა და უკრაინაში სადამკვირვებლო მისიებს შეზღუდული ფორმატით გამოგზავნის.

წერეთლის თქმით, გართულებული ეპიდსიტუაციის გამო, ქვეყნები, რომლებიც აგზავნიან ეუთოს ეგიდით სადამკვირვებლო მისიებს, გადაწყვიტეს, რომ მისია ლიმიტირებული იქნება.

წერეთელმა აღნიშნა, რომ ეს სრულიად არ შეამცირებს მონიტორინგის ფუნქციას და პირიქით, გაიზრდება ადგილობრივი არასამთავრობო ორგანიზაციებისა და სადამკვირვებლო მისიების როლი.

წერეთლის თქმით, მთელი მსოფლიო აქტიურად დააკვირდება, თუ როგორ წარიმართება საარჩევნო პროცესი საქართველოში.

„ბოლო პერიოდში, პანდემიის უფრო გართულებულა სურათმა, მატებამ, მთელ რიგ ქვეყნებში, მათ შორის საქართველოშიც, გავლენა იქონია რეგულაციებზე, გამკაცრდა მიმოსვლა და შესაბამისად, ბევრმა ქვეყანამ უფრო მკაცრი პოლიტიკის განხორციელება დაიწყო და ეუთოშიც არის ამგვარი გადაწყვეტილება, უფრო სწორად იმ ქვეყნებში, რომლებიც აგზავნიან ეუთოს ეგიდით დამკვირვებლებს, რომ უფრო ნაკლები და ლიმიტირებული იქნება მისია.

ეს არაც არამც და არამც არ ნიშნავს, რომ მონიტორინგის ფუნქცია შესუსტდება, პირიქით, ასეთ შემთხვევაში კიდევ უფრო აქტიური იქნება მოქმედება და კოორდინაცია სხვა სადამკვირვებლო მისიებთან, ძალიან გაიზრდება როლი ადგილობრივი არასამთავრობო სექტორის და სადამკვირვებლო ორგანიზაციების და შესაბამისად, დაწრმუნებული ვარ, რომ მთელი მსოფლიო აქტიურად გაუწევს მონიტორინგს, თუ როგორ წარიმართება საარჩევნო პროცესი საქართველოში.“ - განაცხადა წერეთელმა.