დავითგარეჯის საქმე - დაკავებული ივერი მელაშვილის მეუღლე ამბობს, რომ ზოგიერთი პირი, ვინც მისი მეუღლის დაკავების საქმეშია ჩართული, უბრალოდ, იძულებულია, ასე მოიქცეს, რადგან სხვაგვარად ზეწოლის ქვეშ აღმოჩნდებიან. თამარ სულაძის თქმით, ივერი მელაშვილი პატრიარქის ნაჩუქარ ჯვარს ატარებდა:

"მე რატომღაც ასე მგონია, რომ არც ისინი არიან ამაში დარწმუნებული, მაგრამ იძულებული არიან, აკეთებენ საქმეს გარკვეული დავალებით. მე არ მგონია, ამაში მთელი საპატრიარქო იყოს ჩართული. პატრიარქთან ივერის ჰქონდა ხოლმე შეხვედრები, ივერი ატარებდა ჯვარს, რომელიც პირადად პატრიარქმა აჩუქა, პატრიარქს საკმაოდ კარგი დამოკიდებულება ჰქონდა მასთან.

მე ასე მგონია, რომ აქ ზოგიერთები არიან მასთან ჩარეული, მაგრამ იმათზეც მინდა რომ კარგად ვიფიქრო, რომ დილეტანტები არიან ამ საქმეში. ძალიან არ მინდა ვიფიქრო, რომ სასულიერო წრეებშიც, ვიღაცების გავლენის ქვეშ ხდება ეს ამბები" - ამბობს ივერი მელაშვილის მეუღლე.