ევროპული საქართველოს ლიდერებმა, დავით ბაქრაძემ და გიგი უგულავამ, ბათუმის მოსახლეობას პარტიის მაჟორიტარობის კანდიდატი, არმაზ ახვლედიანი წარუდგინეს.

არმაზ ახვლედიანის თქმით, უნდა დასრულდეს თავზეხელაღებული, კორუმპირებული მმათველების ძალაუფლება და მასთან ერთად უნდა დასრულდეს ქვეყანაში კერპთაყვანისმცემლობა, რადგნა ამის გარეშე ეს არის ცხრათავიანი გველეშაპი, რომელსაც საზოგადოება შესაძლოა ვერასდროს მოერიოს.

„სადაც არ გაიხედავ, საითაც არ გაიხედავ, აღმოაჩენ, რომ წართმეული გაქვს სამშობლო, ქალაქი, შენი უბანი, ბაშვობა. მე არ მინდა ასეთი ქალაქი, ასეთ ბათუმში ცხოვრება, აღარ მინდა აჭარაში და ასეთ ღირსებააყრილ ქვეყანაში ცხოვრება, სადაც არავინ დაეძებს შენს უფლებას, სადაც გაზულუქებული კლასი, მებატონე ფეოდალებისა, მხოლოდ იმიტომ, რომ ძირგამომპალი ძალაუფლება შეინარჩუნონ და მოპარული ქონება როგორმე გაიმრავლონ, მზად არიან, რომ ოპონენტებს მტრები უწოდონ, ქალაქი ასე დაგვიმახინჯონ, გაგვინადგურონ, კულტურულ მემკვიდრეობას ასე აქციონ ზურგი.

გაბედულებაა საჭირო, რადგან დაგვიდგა დრო, როდესაც საქართველო უნდა გადავარჩინოთ და ის უნდა გადავარჩინოთ არა ერთი თავზეხელაღებული კორუმპირებული მმართველისაგან, რომელმაც მიიტაცა ქვეყანა და ძალაუფლება, არამედ უნდა გადავარჩინოთ ყოველგვარი იზმისგან, კერპთაყვანისმცემლობისაგან, რადგან ამის გარეშე ეს იქნება ცხრათავიანი გველეშაპი, რომელსაც ჩვენ შესაძლოა ვერასდროს ვერ მოვერიოთ.

დღეები დარჩა ამ ფუნდამენტური, ძირეული ცვლილებების დაწყებამდე, სულაც დღეები და ევროპული საქართველო, შინაარსით ევროპული საქართველო არის ის საყრდენი, რომელიც ჩვენ ყველას ერთად გვათქმევინებს, ძირს უკანმოუხედავად ყოველგვარი იზმი და კერპთაყვანისმცემლობა, გაუმარჯოს ლაღ, თავისუფალ, გამარჯვებულ, სამართლიან ბათუმს და საქართველოს.“ -განაცხადა ახვლედიანმა.