ამის საპასუხოდ, ყოფილმა ელჩებმა გიგიაძეს სოლიდარობა გამოუცხადეს და აღნიშნეს, რომ მას პროფესიული ეთიკა არ დაურღვევია, რადგან პოლიტიკური განცხადება არ გაუკეთებია.

„30-იანი წლების სტილია. სიმართლე გითხრათ მე მრცხვენია მის მაგივრად. რომ აი ასეთ შეფასებას აძლევს. იმიტომ, რომ უპირველეს ყოვლისა, ყოველთვის უნდა გვახსოვდეს, რომ ჩვენ ვართ ჯერ ადამიანები და მერე ვართ უკვე დიპლომატები, მერე ვართ მინისტრები, მოადგილეები და ასე შემდეგ. ეს ყველაფერი წარმავალია“, - თქვა ყოფილმა დიპლომატმა გიგი კუბლაშვილმა.

შეგახსენებთ, რომ დავით გარეჯის საქმეზე დაკავებულ ივერი მელაძეს საქართველოს სრულუფლებიანმა ელჩმა დანიასა და ისლანდიაში გიგი გიგიაძემ მხარდაჭერა გამოუცხადა და სოციალურ ქსელში განცხადება გაავრცელა:

„სრულ მხარდაჭერას ვუცხადებ ივერი მელაშვილს, რომელსაც პირადად ვიცნობ 1997 წლიდან და მიმაჩნია, რომ ის არის საკუთარი ქვეყნის, საქართველოს გამორჩეული პატრიოტი, ჩვენი სახელმწიფო საზღვრის დელიმიტაცია-დემარკაციის პროცესის პროფესიონალი და შეუცვლელი ექსპერტი. წარდგენილი ბრალდება იმდენად აბსურდული და საღ აზრს მოკლებულია, რომ ამაზე კომენტარის გაკეთებაც მიჭირს. იმედს ვიტოვებ, რომ ეს დაწყებული გამოძიება ყველა არსებულ კითხვას ამომწურავ პასუხს გასცემს და სრულიად უდანაშაულო, თავის ქვეყანაზე შეყვარებული ადამიანი მალევე გათავისუფლდება“ - წერია განცხადებაში.