"არც ერთ პარტიაში არ მივდივარ!!! ვაგრძელებ შრომას და ბრძოლას (თუ საჭირო გახდა) ჩემი ქვეყნის უსაფრთხოებისთვის და მომავლისთვის! - ამის შესახებ სოციალურ ქსელში "ქართული ოცნებიდან" წასული სოსო გოგაშვილი წერს.

"მადლობა, ყველა გულშემატკივარს და ერთგულ ადამიანს, ვინც მზადაა ჩემთან ერთად საქმე აკეთოს! რა პლატფორმას ვუკავშირებ ჩემს მომავალს, ამის შესახებ ძალიან მალე გაიგებთ. მანამდე კი ეტაპობრივად მოგაწვდით რეალურ ინფორმაციებს მათზე ვინც ქმნის ჩვენი ქვეყნის დღის წესრიგს. მჯერა, რომ ინფორმირებულ ადამიანთა წრე ქმნის სამოქალაქო საზოგადოებას, რაც დემოკრატიის ქვაკუთხედია.

პ.ს. რადგან ძალიან ბევრი ადამიანი მიკავშირდება, კითხვებით და მხარდაჭერით, ნაცნობი, თუ უცნობი, ამიტომ გავაკეთე ეს განცხადება. გაფასებთ ყველას'- აცხადებს გოგაშვილი.