როდესაც ვსაუბრობთ გარდამტეხ ცვლილებებზე, ცვლილება უნდა მოხდეს პოლიტიკაში, რომ აღარასოდეს იყოს მთავრობა ხალხის ბატონი და იყოს მათი მსახური

როდესაც ვსაუბრობთ გარდამტეხ ცვლილებებზე, ცვლილება უნდა მოხდეს პოლიტიკაში, რომ აღარასოდეს იყოს მთავრობა ხალხის ბატონი და იყოს მათი მსახური - უგულავა

პოლიტიკა - 17:51, 08 Oct, 2020

561

ევროპული საქართველოს ლიდერებმა, დავით ბაქრაძემ და გიგი უგულავამ ბათუმის მოსახლეობას პარტიის მაჟორიტარობის კანდიდატი, არმაზ ახვლედიანი წარუდგინეს.

გიგი უგულავს თქმით, დღეს არსებულ ჭაობს სჭირდება გარდამტეხი ცვლილებები, რომელიც მოხდება ყველა სფეროში.

„ჩვენ ვხედავთ ჩაფლავებულ მთავრობას, რომელიც მხოლოდ კეკლუცობს პანდემიასთან დაკავშირებით, მაგრამ ჩვენ ამასაც დავძლევთ, მაგრამ დასაძლევი გვექნება ის გაფუჭებული საქმეები, რასაც მთელი ამ 8 წლის განმავლობაში ჩვენ ვაკვირდებით ნაბიჯ-ნაბიჯ.

ჩვენი ეკონომიკა მოისპო და ეს განსაკუთრებით აქ, ბათუმში არის შესამჩნევი, რადგან ბათუმი რეგიონის მაგალითია განვითარების, მაგალითია ჩვენი მეზობლებისათვის, მთელი რეგიონისათვის და ეს ტკივილი კარგად ჩანს ბათუმში. უმუშევრობა, გაზრდილი ფასები, გავარდნილი ლარი და უპერსპექტივობა, ეს არის მთავარი თემები, რაც იმ ადგილას, სადაც ყველაფერი პირიქით უნდა იყოს, სადაც ყველაზე მეტი სამუშაო უნდა იქმნდებოდეს, სწორედ იქ, ყველაზე მეტად გაუჭირდა ჩვენ მოქალაქეებს.

ამიტომ, ეს არ იქნება ჩვეულებრივი არჩევნები, ეს არის ფუნდამენტური არჩევანი, გადავტეხავთ თუ არა ამ მარაზმს წელში, იქნება თუ არა გარდამტეხი ცვლილებები ამ ქვეყანაში თუ კვლავ დავრცებით ჭაობზე შემდგარი, რომლებიც ვიქნევთ ხელებს, გვგონია, რომ ამოვალთ ამ ჭაობიდან და სინამდვილეში ამ ჭაობში ვეფლობით. ეს არჩევნები იქნება წინსვლის არჩევნები. ეკომომიკა არის ველოსიპედზე მჯდომი ადამიანისავით, ატრიალებს პედლებს და მიდიხარ, როგორც კი პედლები გაჩერდება იმ წამსვე ჩერდება, ესე გააჩერა და წააქცია ივანიშვილმა საქართველოს ეკონომიკა და თუ ჩვენ გარდამტეხ ცვლილებებს არ შევიტანთ და პირველ რიგში ეს ეხება ეკონომიკას, რადგან პანდემიის გამოწვევის შემდეგ, ჩვენ გვაქვს შანსი ჩვენი ქვეყანა ახლიდან შევთავაზოთ მსოფლიოს, როგორც დაბალი გადასახადების ქვეყანა, რეგიონში საუკეთესო სასამართლოს ქვეყანა, სადაც ადამიანს შეეძლება საკუთარი სიმართლის დადგენა, შევთავაზებთ ქვეყანას, სადაც ბიზნესის კეთება მარტივია, სადაც ადამიანს პატივს სცემენ.

ამ დროს ჩვენ ვხედავთ მარაზმს, გათიშულობას, ეროვნული ინტერესების ფეხქვეშ გათელვას და ისეთი რისკების გაწევას, რომლებმაც შესაძლოა ჩვენი სახელმწიფოებრიობა ჩამოანგრიოს და ეს დაუშვებელია. როდესაც ვსაუბრობთ გარდამტეხ ცვლილებებზე, ცვლილება უნდა მოხდეს ეკონომიკაში, სოციალურ სფეროში, პოლიტიკაში, რომ აღარასოდეს იყოს მთავრობა ბატონი, და იყოს მთავრობა მსახური.“ -განაცხადა უგულავამ.