სრულიად რუსეთის პატრიარქი, კირილი, თვითიზოლაციაში იმყოფება, ამის მიზეზი, პატრიარქის კორონავირუსით დაინფიცირებულ ადამიანთან კონტაქტი გახდა.

ინფორმაციას სოციალურ ქსელში, რუსეთის საპატრიარქო ავრცელებს და ამბობს, რომ პატრიარქმა ყველა ოფიციალური ვიზიტი გადადო.

ასევე ცნობილი ხდება, რომ 73 წლის კირილს კორონავირუსის სიმპტომი არ აღენიშნება.

ცნობისთვის, ბოლო მონაცემებით, გასული დღე-ღამის განმავლობაში რუსეთში კორონავირუსით ინფიცირებულთა რაოდენობამ 11 493 შეადგინა.