“ივანიშვილის რეჟიმი შესულია აგონიურ კრუნჩხვებში, ეს ყველაფერი არჩევნებთან ერთად დასრულდება“

“ივანიშვილის რეჟიმი შესულია აგონიურ კრუნჩხვებში, ეს ყველაფერი არჩევნებთან ერთად დასრულდება“ - სამადაშვილი

პოლიტიკა - 16:54, 07 Oct, 2020

721

„არჩევნებთან ერთად ჩვენს ქვეყანაში დასრულდება ის უკანონობა, რასაც დღეს ივანიშვილის რეჟიმი აკეთებს და რომელიც შეიძლება ითქვას პირდაპირ არის შესული აგონიურ კრუნჩხვებში" - ასე ეხმაურება ენმ-ის ერთ-ერთი ლოდერო სალომე სამადაშვილი გარეჯის თემაზე პროკურატურის ბრიფინგს.

"მსურს გამოვეხმაურო პროკურატურაში დღეს გამართულ ბრიფინგს და განაცხადს, რომ ორი ექსპერტი დაკავებული იქნა სრულიად აბსურდული ბრალდებით. პირველ რიგში მინდა მივმართო დაკავებულების ოჯახებს და მათ მეგობრებს და დავამშვიდო ისინი. წარმომიდგენია რამხელა არის ის შოკი, რომელიც მათ მიიღეს, როდესაც სრულიად უდანაშაულო ადამიანების წინააღმდეგ განხორციელდა სამართლებრივი დევნა.

მსურს მათ განვუმარტო, ჩათვალონ, რომ მათი ოჯახის წევრები დროებით გაუგებრობაში მოყვნენ, იმ გაუგებრობაში რომელიც რამდენიმე კვირაში დასრულდება.

არჩევნებთან ერთად ჩვენს ქვეყანაში დასრულდება ის უკანონობა, რასაც დღეს ივანიშვილის რეჟიმი აკეთებს, რომელიც შეიძლება ითქვას პირდაპირ არის შესული აგონიურ კრუნჩხვებში. როგორც ჩანს ივანიშვილმა თავისი მართვის ბოლო სამ კვირაში გადაწყვიტა ჩაიდინოს კიდევ არაერთი სისულელე, რომელზეც აუცილებლქად მოეთხოვება პასუხი მისი ხელისუფლების წარმომადგენლებს.

მე მინდა პირველ რიგში განვმარტო, რომ აბსურდულია განაცხადი, რომ შეთანხმბა არის მიღწეული რაიმე ტერიტორიების გადაცემაზე მაშინ, როდესაც ჩვენ ვიცით, რომ მიმდინარე რეჟიმში არის მოლაპარაკებები საზღვრის დელიმიტაციის და დემარკაციის საკითხზე საქართველოს და აზერბაიჯანს შორის.

ამ პროცესში დღეს, როდესაც აზერბაიჯანი იმყოფება საომარ მდგომარეობაში, საქართველოს ხელისუფლების განაცხადი, რომ აზერბაიჯანს წინა ხელისუფლების დროს გადაეცა ტერიტორიები, საერთოდ გაუგებარია და დამატებით უზარმაზარ საფრთხეს აჩენს ჩვენს რეგიონში მიმდინარე პროცესებთან დაკავშირებით.

არ შეიძლება ვინმეს, ვისაც საკუთარი დღის წესრიგი აქვს ჩვენი ქვეტნის კეთილდღეობა და უსაფრთხოება, მსგავსი ნაბიჯი გადაედგა.

რეალურად საქმე გვაქვს იმასთან, რომ ბიძინა ივანიშვილს და მის ხელისუფლებას არაფრად მიაჩნია ადამიანის ცხოვრება. მათ შორის, ხანდაზმული და ღვაწლმოსილი ექსპერტის ცხოვრება, რომელიც ჩვენ ვნახეთ, რომ დღეს ფაქტიურად გახდა სამართლებრივი დევნის მსხვერპლი ერთადერთი მოტივანიით და ეს მოტივაცია ცხადია არის პოლიტიკური.

რეალური ამოცანა რაც აქვს დღეს ხელისუფლებას, არის ის, რომ დაკავებულმა ადამიანებმა მისცენ ჩვენება წინა ხელისუფლების წარმომადგენლების წინააღმდეგ და წინა საარჩევნოდ სიკვდილის, გადარჩენის ფაზაში მყოფმა პოლიტიკურმა რეჟიმმა ბიძინა ივანიშვილის შეეცადოს რომ საზოგაოება კიდევ ერთხელ მოატყუოს წინა ხელისუფლების მიერ ჩადენილი სავარაუდო დანაშაულების მოგონილი ზღაპრებით.

ეს არის ერთადერთი მოტივაცია, ამიტომ ჩემი აზრით და დარწმუნებული ვარ ჩვენი საერთაშორისო პარტნიორები ამ აზრს გაითვალისწინებენ და დაგვეთანხმებიან ამ აზრში,დღეს დაკავებული ექსპერტები არიან პოლიტიკური ნიშნით განხორციელებული მართლმაჯულების მსხვერპლი.

ჩვენ, რა თქმა უნდა, დღეიდანვე დავიწყებთ ძალიან აქტიურ მუშაობას მათი განთავისუფლების მისაღწევად. თუმცა რამდენიმე კვირაში ეს ხელისუფლება, უკანონობა და უსამართლობა ჩვენს ქვეყანაში დასრულდება და ეს ორი უდანაშაულო ადამიანი, რომელიც დღეს ტოტალიტარულ რეჟიმად ჩამოყალიბებულმა ბიძინა ივანიშვილის, რუსი ოლიგარქის პოლიტიკურმა სისტემამ გაწირა, რა თქმა უნდა განთავისუფლდება და აუცილებლად იპოვის სიმართლეს."