რეალობაში არსადაც არ მიდიან და არჩევნების შემდეგ ხდება კვლავ მათი წინა პლანზე გამოჩენა, გავიხსენოთ თუმდაც ღარიბაშვილი და კახური კლანის წარმომადგენლები -თარხნიშვილი

პოლიტიკა - 14:23, 07 Oct, 2020

862

ევროპული საქართველოს მაჟორიტარობის კანდიდატი გორსა და კასპში, ლევან თარხნიშვილი, სოსო გოგაშვილის ქართული ოცნებიდან წასვლას ეხმაურება.

თარხნიშვილის თმით, ოცნება წინასაარჩევნოდ მალავს თავის ყველაზე ოდიოზურ, კორუმპირებულ და რეპუტაციაშელახულ წევრებს, ხოლო არჩევნების შემდეგ ამ ადამიანებს კვლავ წინა პლანზე წამოწევს.

თარხნშვილის თქმით, ქართული ოცნება არის გაკოტრებული და მათ არავიან ახალი არ ემატება. როგორც თარხნიშვილი აღნიშნავს, სწორედ ამიტომ არის განწირული ქართული ოცნება 31 ოქტომბერს დამარცხებისათვის.

„ეს არ არის პირველი შემთხვევა, როდესაც არჩევნების წინ ქართული ოცნება გადამალავს ხოლმე თავის ყველაზე ოდიოზურ, კორუმპირებულ და რეპუტაციაშელახულ ადამიანებს. ეს ადამიანები რეალობაში არსადაც არ მიდიან და არჩევნების შემდეგ ხდება კვლავ მათი წინა პლანზე გამოჩენა, გავიხსენოთ თუმდაც ღარიბაშვილი და კახური კლანის წარმომადგენლები.

გოგაშვილის შემთხვევაში ეს ფაქტობრივად მეორედ წასვლაა. აქ ბევრად უფრო მნიშვნელოვანი არის ის, რომ ქართული ოცნება არის აბსოლიტურად გაკოტრებული და შესაბამისად ერთ წრეზე ტრიალებს, არავიან ახალი მათთან აღარ მიდის, სწორედ ამიტომ არიან ისინი განწირულები 31 ოქტომბერს დამარცხებისათვის.“ - განაცხადა ლევან თარხნიშვილმა.