„ევროპულ საქართველოში“ განმარტავენ, რომ ამ კამპანიის მიზანი არის მოსახლეობისთვის იმის შეხსენება, რომ ქვეყანაში მხოლოდ ეს ორი პოლიტიკოსი არ არის და რომ არსებობს სხვა ალტერნატიული ძალა, რომელზეც საზოგადოებას არჩევანის გაკეთება შეუძლია:

ჩვენი გზავნილი არის ძალიან მნიშვნელოვანი - ჩვენ გვინდა ცვლილებები. ივანიშვილს სურს ამ ჭაობის შენარჩუნება, სააკაშვილს კი სურს, დაგვაბრუნოს 2012 წლის დროინდელ ვითარებაში, ევროპულ საქართველოს კი სურს გარდამტეხი ცვლილებები ჩვენი მოსახლეობისთვის. ჩვენ გვინდა ივანიშვილის დამარცხება და არ გვინდა, რომსააკაშვილის გახდეს პრემიერი, ჩვენი ამომრჩევლისთვის ეს გზავნილი უნდა იყოს მკაფიო. „ნციონალური მოძრაობა“ იქნება ერთ-ერთი მოთამაშე ევროპულ კოალიციურ მთავრობაში, მაგრამ სააკაშვილი პრემიერიად, ერთპიროვნული და ერთპარტიული მმართველობა ჩვენთვის არის მიუღებელი, ვინაიდან ჩვენ გვჭირდება ის ცვლილებები, რომელიც ესაჭიროება ხალხს და არა კონკრეტულ პიროვნებებს“ - განაცხადა „ევროპული საქართველოს“ ერთ-ერთმა ლიდერმა ოთარ კახიძემ.

ნაციონალურ მოძრაობაში ევროპული საქართველოს სტრატეგიას გამოეხმაურნენ, პარტიაში აცხადებენ, რომ „ევროპული საქართველო“ ცდილობს ნაციონალური მოძრაობის წინააღმდეგ წარმებული კამპანიით ცდილობეს მეტი ამომრჩეველი მიიზიდოს:

„მნიშვნელოვანია ბიძინა ივანიშვილთან და „ქართულ ოცნებასთან“ ერთად ქვეყანამ დაამარცხოს გაჭირვება, ეკონომიკური სიდუხჭირე, რასაც სხვადასხვა პარტიები აკეთებენ თავიანთი საარჩევნო პიარისთვის, დამატებითი მანდატების მოპოვებას ემსახურება. ფიქრობენ, რომ ეს მოუტანთ დამატებით მანდატებს, თუმცა, რამდენად გაამართლებს ეს სტრატეგია, ამას უკვე 31 ოქტომბერს გავიგებთ“ - განაცხადა „ნაციონალური მოძრაობის“ სამგორის მაჟორიტარობის კანდიდატმა ლევან ხაბეიშვილმა.