სექტემბრის მეორე ნახევარში, მხოლოდ ოთხ დღეში „ქართული ოცნების“ ანგარიშზე ორი მილიონი ჩაირიცხა, მანამდე კი, 17 სექტემბრამდე პარტიამ 5 მილიონამდე თანხა მიიღო საჩუქრად.

ბიზნესმენები, რომლებიც ხელისუფლების გუნდს თანხობრივად ანებივრებენ, ძირითადად მეღვინეობასთან დაკავშირებული კომპანიის წარმომადგენლები არიან, მათ შორის „ასკანელი ძმების“ დირექტორი, კახური ტრადიციული მეღვინეობის მეწილეები და დირექტორი. სიაში ასევე ირიცხება „ჯი-თი ჯგუფის“ მეწილე, რომლის კომპანიაც თბილისის მიკროავტობუსის ტენდერთანაა დაკავშირებული.

ამასთან, შემომწირველები არიან ისეთი პირებიც, რომლებსაც არანაირი კავშირი არ აქვთ ბიზნესთან, თუმცა მსხვილ თანხას - 10 ათასიდან 20 ათასამდე ლარს ურიცხავენ.