ევროპული საქართველოს წევრი, ირაკლი აბესაძე, ევროკავშირის საგარეო საქმეთა და უსაფრთხოების პოლიტიკის წამყვანი სპიკერის, პეტერ სატანოს განცხადება ეხმაურება, რომელმაც მწუხარება გამოთქვა იმის გამო, რომ საქართველო არ დაელოდა ვენეციის კომისიის დასკვნას მოსამართლეთა შერჩევაზე.

აბესაძის თქმით, ეს კიდევ ერთი გამოვლინებაა იმის, რომ ოცნების ხელისუფლებას არ აქვს იმედი არჩევნებში გამარჯვების და წინასწარ შეარჩია მოსამართლეები, რათა ჰქონდეს მათზე პოლიტიკური გავლენა.

„ქართული ოცნების დაჟინებული მცდელობა, რომ საბოლოო პოლიტიკური გავლენის ქვეშ დაიტოვოს უზენაესი სასამართლო და არ გაუშვას პოლიტიკურ წნეხისაგან მოსამართლეები, კიდევ ერთი დადასტურდა, როდესაც თითქოს საკითხის გაუმჯობესების მიზნით ახორციელებდნენ საკანონმდებლო ცვლილებებს, თუ როგორ უნდა მოხდეს უზენაესი სასამართლოს მოსამართლეების არჩევა, მიწერეს ვენეციის კომისიას, მოითხოვეს მათი კომპეტენტური დასკვნა რამდენად კანონიერი და დემოკრატიულ ღირებულებებთან შესაბამისი იქნებოდა ეს ცვლილებები და არ დაელოდნენ პასუხს და ასე საჩქაროდ მიიღეს ამ პარლამენტის მიერ ეს ცვლილებები.

ეს ნიშნავს, რომ პირველ რიგში მათ თავად არ აქვთ არცჩევნებში მოგების იმედი, რადგან მათ შეეძლოთ მშვიდად დალოდებოდნენ ვენეციის კომისიის დასკვნას და თუკი მოგებს აპირებდნენ, ახალი პარლამენტის პირობებში განეხორციელებინათ ეს ცვლილებები, რასაც აპირებდნენ, ამიტომ მათ არ აქვთ არჩევნებში მოგების იმედი, სამაგიეროდ აქვთ სურვილი, რომ პოლიტიკური გავლენის ქვეშ და მეტი გარანტიით შეინარჩუნონ ის მოსამრთლეები, რომლებიც უზენაეს სასამართლოში უკვე აირჩიეს და რომელიც შეფასდა პოლიტიკურად მოტივირებულ პროცესად უკვე ეუთოს დამკვირვებლების მიერ და ჩვენი საერთაშორისო პარტნიორების მიერ.“ - აცხადებს აბესაძე