გოგი მეშველიანი სახელისუფლებო გუნდის ის კანდიდატია, რომლის მომხრეებიც და ოჯახის წევრებიც ბოლნისის დაპირისპირებაში მნიშვნელოვან როლს თამაშობდნენ - ისინი ფიზიკურად გაუსწორდნენ პოლიტიკურ ოპონენტებს, თუმცა ფაქტზე არც ისინი დასჯილან და არც პირადად გოგი მეშველიანის ძმა, რომელსაც თვითმხილველები ფიზიკურ ძალადობაში ამხელენ.

კითხვაზე, თუ რატომ არ დაისაჯნენ ბოლნისის დაპირისპირებაში მონაწილე პირები, მეშველიანმა მოკლე კომენტარი გააკეთა და მათი ინციდენტთან კავშირი კატეგორიულად უარყო.

ხელისუფლების მხრიდან პედაგოგების წინასაარჩევნო გამოყენებაზე საუბრობს ოპოზიცია. ზალიკო უდუმაშვილი აცხადებს, რომ სკოლებს სპეცსამსახურები აკონტროლებენ.

„ხელისუფლება დღემდე ცდილობს პედაგოგები საკუთარი პოლიტიკური მიზნებისთვის გამოიყენოს. სამსახურიდან დათხოვნის მუქარა, შანტაჟი, ზეწოლა - ეს უკვე ყოველდღიურ კოვლენად იქცა. დღეს სკოლებს მმართველი პარტია და სპეცსამსახურები მართავენ და ჩვენ ყველანი გავხდით იმ შემზარავი ტრაგედიის მომსწრე, რომელიც ზუგდიდში დატრიალდა. ია კერძაიას ტრაგედიას ვგულისხმობ. ჩვენ ერთად უნდა შევცვალოთ ეს მძიმე ვითარება“ - განაცხადა ზაალ უდუმაშვილმა.