“დღეს სკოლებს მმართველი პარტია და სპეცსამსახურები მართავენ, ჩვენ ერთად უნდა შევცვალოთ ეს მძიმე ვითარება“

“დღეს სკოლებს მმართველი პარტია და სპეცსამსახურები მართავენ, ჩვენ ერთად უნდა შევცვალოთ ეს მძიმე ვითარება“ - ზაალ უდუმაშვილი

პოლიტიკა - 17:38, 05 Oct, 2020

531

ერთიანი ნაციონალური მოძრაობის ერთ-ერთმა ლიდერმა ზალიკო უდუმაშვილმა მასწავლებლებს პროფესიული დღე მიულოცა და ის პროგრამა გააცნო, რომლის განხორციელებასაც პარტია გამარჯვების შემდეგ ჰპირდება მათ.

"ძვირფასო მასწავლებლებო გილოცავთ პროფესიულ დღეს, ამ ქვეყნის მომავალი განათლებაზე დგას. განათლების სისტემა კი მთლიანად დამოკიდებულია თქვენს ენთუზიაზმზე და ერთგულებაზე იმ საქმისადმი, რომელსაც უკვე წლებია ემსახურებით. თუმცა, სამწუხაროდ თქვენი შრომა სათანადოდ დაფასებული არაა. ხელისუფლება დღემდე ცდილობს პედაგოგები საკუთარი პოლიტიკური მიზნებისთვის გამოიყენოს. სამსახურიდან დათხოვნის მუქარა, შანტაჟი, ზეწოლა - ეს უკვე ყოველდღიურ კოვლენად იქცა. დღეს სკოლებს მმართველი პარტია და სპეცსამსახურები მართავენ და ჩვენ ყველანი გავხდით იმ შემზარავი ტრაგედიის მომსწრე, რომელიც ზუგდიდში დატრიალდა. ია კერძაიას ტრაგედიას ვგულისხმობ.

ჩვენ ერთად უნდა შევცვალოთ ეს მძიმე ვითარება. უნდა შევქმნათ ისეთი გარემო, სადაც მასწავლებლის პროფესია პრესტიჟული და დაფასებული იქნება.

ჩვენი გეგმით, მასწავლებლის ხელფასი გახდება მინიმუმ 2000 ლარი.

სკოლა და უნივერსიტეტი სრულიად დეპოლიტიზირებული იქნება. დაუშვებელი იქნება მასწავლებელების საარჩევნო კომისიებში იძულებით დანიშვნა.

განათლების დაფინანსება გაორმაგდება.

დაინერგება ამერიკული და ევროპული საგანმანათლებლო პროგრამები.

მჯერა, რომ ჩვენ ერთად შევიტანთ წვლილს განათლების რეფორმაში და ერთად ვიამაყებთ მიღწეული წარმატებებით. "