"ივანიშვილს ამ ტრიუკით, არჩევნებში გამარჯვება არ გამოუვა"- ხაბეიშვილი იპოდრომზე

პოლიტიკა - 14:56, 05 Oct, 2020

976

"კარგია, რომ ბიძინა ივანიშვილმა თვითონ დაიწყო დაბრუნების და გადმოცემის პროცესი, რაც აუცილებლად გაგრძელდება 31 ოქტომბრის შემდეგ და ყველა ის მიტაცებული ქონება, რაც ხალხს წაართვა უკან დაუბრუნდება" ასე აფასებს ერთიანი ნაციონალური მოძრაობის სამგორის მანორიტარი დეპუტატობის კანდიდატი ლევან ხაბეიშვილი იპოდრომის ტერიტორიაზე სარეკრეაციო ზონის გაშენების დაანონსებას.

„ბიძინა ივანიშვილმა პუშკინის სკვერი, თაბორიც სიმბოლურ ერთ ლარად წაიღო და გარდა, ამისა კულტურული მემკვიდრეობის ძეგლი საყდრისი ააფეთქა და იქიდან მილიარდებს შოულობს. ამ ყველაფრის დაბრუნება მას, არჩევნების შემდეგ მოუწევს.

ესაა ეგრედწოდებული „ტრიუკი“, ეს სიტყვა უყვარს ივანიშვილს, რომლის ერთადერთი მიზნია, რომ არჩევნებში მოიპოვოს დამატებითი მხარდაჭერა, რაც რა თქმა უნდა არ გამოუვა. 2012 წლის შემდეგ, როგოც ბიძინა ივანიშვილმა გადააგდო ხალხი, ასევე 31 ოქტომბერს გადააგდებს ხალხი მას და მის კრიმინალურ ოცნებას.“- აცხადებს "ნიუპოსტთან" ლევან ხაბეიშვილი.

კახი კალაძის თქმით, ფონდი ქართუ თბილისის მუნიციპალიტეტს "უსასყიდლოდ გადასცემს" ყოფილი იპოდრომის ტერიტორიას, სადაც თბილისის ცენტრალური პარკი გაშენდება.