"ეს საბურთალოა - ერთი უბნის ამბავი" - ალეკო ელისაშვილმა “ბუკიას ბაღში” წიგნის პრეზენტაცია გამართა

პოლიტიკა - 18:27, 04 Oct, 2020

1825

საბურთალოს ოლქის მაჟორიტარობის კანდიდატმა ალეკო ელისაშვილმა “ბუკიას ბაღში” წიგნის პრეზენტაცია გამართა. “ეს საბურთალოა - ერთი უბნის ამბავი” , ასე ქვია ელისაშვილის წიგნს და როგორც თავად აღნიშნავს ის ცნობებს, საბურთალოს შესახებ, წლების განმავლობაში აგროვებდა, ინიშნავდა და ახლა წიგნად გამოსცა. წიგნის პრეზენტაზე შეკრებილ სტუმრებს, შეეძლოთ წიგნი 1 ლარიდან ზევით ნებისმიერ ფასად შეეძინათ და როგორც მაჟორიტარი ამბობს, შემოსული თანხა მის საარჩევნო კამპანიას მოხმარდება. პრეზენტაციაზე ასევე მოეწყო ტანისამოსის და სხვადასხვა აქსესუარების, როგორიცაა ჰუდები და ა.შ. გამოფენა - გაყიდვა, რომელიც ელისაშვილის ახალი წიგნის სახელი “ეს საბურთალოა” ეწერა.

“არ გვაწყენს ვიცოდეთ წარსული იმ გარემოსი, იმ უბნის, სადაც ვცხოვრობთ. ცოდნა აღვივებს სიყვარულს და იქნებ ამ წიგნმაც ისე გაუღვივოს ვინმე მავან "დეველოპერს" საბურთალოსადმი სიყვარული, რომ კიდევ ერთი მახინჯი კორპუსის სადმე წიხლით ჩატენვაზე ხელი ააღებინოს. ეს ან მოხდება ან არა, მაგრამ ის კი ნამდვილად ვიცი, რომ საბურთალოს შესახებ, რამდენიმე ამბით მეტი ეცოდინება ყველა მკითხველს ვიდრე აქამდე იცოდა. შეიძლება კიდევ უფრო მოსიყვარულედ და მზრუნველადაც შეხედოს მერე ამ უბანს. აი ეს იქნება ჩემთვის დიდი საქმე - ე.ი. ამაო არ ყოფილა ამ წიგნზე შრომა. თქვენი ეგზემპლიარი "ეს საბურთალოა!" მიცკევიჩის #27ა-ში გელოდებათ!” - განაცხადა ალეკო ელისაშვილმა პრეზენტაციაზე.