„ეს აღვიქვი ისე, როგორც ბოლნისში გააკეთა ხელისუფლებამ, რომ ჩვენი აქტივისტი ცემა და მერე აქეთ ჩვენი აქტივისტი დაიჭირა, ვთვლი, რომ იგივე სცენარის გამეორებას აპირებენ. რადგან ბოლნისშიც აგებენ არჩევნებს, მარნეულშიც და შეიძლება აქტივისტების გაჩერებას დაჭერებით ცდილობენ“, - განაცხადა ლაშა ქველაძემ.

უნდა აღინიშნოს ისიც, რომ მარნეულის ინციდენტის მთავარი ფიგურანტი და საკრებულოს თავმჯდომარე, ამირან გიორგაძე ამ დრომდე არ დაუკითხავთ. ოპოზიციის წევრები მის დაკითხვას და სათანადოდ დასჯას ითხოვენ, რადგან, როგორც თავად აცხადებენ, სწორედ ის გასცემდა თავდასხმის ბრძანებებს.

მარნეულში მომხდარი ძალადობის ფაქტზე შინაგან საქმეთა სამინისტრომ მარნეულის მერიის თანამშრომელი, გიგა ჯალაღონია და "ოცნების" აქტივისტი, გიორგი შალამბერიძე დააკავა.

საქმეზე გამოძიება საქართველოს სისხლის სამართლის კოდექსის 126-ე მუხლის 1-ლი პრიმა ნაწილით მიმდინარეობს, რაც ჯგუფურად ჩადენილ ძალადობას გულისხმობს.

შეგახსენებთ, რომ მარნეულში პოლიტიკური ნიშნით ფიზიკური დაპირისპირება29 სექტემბერს მოხდა, რა დროსაც ოპოზიციის წარმომადგენლების გარდა თავს დაესხნენ ჟურნალისტებს, "მთავარი არხის" 4 თანამშრომელსა და საზოგადოებრივი მაუწყებლის გადამღებ ჯგუფს.