პარტია "რეფორმერის“ ვაკის ოლქის მაჟორიტარობის კანდიდატის მაია კუკავას შეხვედრა ამომჩევლებთან და ფლი მარკეტი წყნეთში მცირე ბიზნესის დასახმარებლად

პოლიტიკა - 19:23, 03 Oct, 2020

3688

3 ოქტომბერს პარტია „რეფორმერის“ ვაკის ოლქის მაჟორიტარობის კანდიდატი მაია კუკავა წყნეთის ამომჩევლებს შეხვდა და მათთან ადგილობრივი მოსახლეობის პრობლემურ საკითხებზე, სამომავლო გეგმებზე და განვითარების პერსპექტივებზე ისაუბრა.

ამომრჩევლებთან შეხვედრის პარალელურად ჩატარდა Flea Market ფლი მარკეტი მცირე და დამწყები ბიზნესის ხელშეწყობის მიზნით. ღონისძიების მიზანი იყო კორონაპანდემიისგან დაზარალებული სტარტაპერების და მცირე მეწარმეების დახმარება.

მაია კუკავა,პარტია „რეფორმერის“ ვაკის ოლქის მაჟორიტარობის კანდიდატი: ერთი თვეა კარდაკარის პრინციპით ვაკის ოლქის ამომჩევლებს ვხვდები. დღეს გვქონდა შეხვედრა წყნეთის მაცხოვრებლებთან. ჩვენ ვისაუბრეთ ადგილობრივი მოსახლეობის პრობლემებზე და მათი გადაჭრის გზებზე.

ამ შეხვედრის ფარგლებში ჩვენი ორგანიზებით მოეწყო მოძრავი ბაზრობა, რომელშიც მონაწილეობდნენ მცირე მეწარმები და სტარტაპერები, მათ ფლი მარკეტზე გასაყიდად გამოიტანეს ხელნაკეთი ნივთები.

ჩვენი ინიციატივის მიზანი იყო მცირე ბიზნესის ხელშეწყობა და ადგილობრივი მოსახლეობის წახალისება, მათ შეუძლიათ საკუთარი ჰობი აქციონ ბიზნესად და ამით მიიღონ შემოსავლი. ამ ტიპის ღონისძიებები დაეხმარება მცირე მეწარმეებს, რომლებსაც კორონაპანდემიამ დიდი დარტყმა მიაყენა, მცირედით მაინვ გაიუმჯობესონ მძიმე სოციალური პირობები - განაცხადა „რეფორმერის“ წევრმა მაია კუკავამ.

„რეფორმერის“ მაჟორიტარი დეპუტატობის კანდიდატი მაია კუკავა ამომრჩევლის პრობლემების გაცნობის მიზნით მსგავს შეხვედრებს ვაკის ოლქში კვლავ გეგმავს.