ევროპული საქართველოს მაჟორიტარობის კანდიდატი რუსთავსა და გარდაბანში, ირმა ნადირაშვილი, მთავრობის მხრიდან საგარეო ვალების აღებას ეხმაურება.

ნადირაშვილის თქმით, ფული, რომელიც მომავალში მოქალაქეების გადასახდელი იქნება, ქართული ოცნების წევრები და მათთან დაკაშვირებული პირები ჯიბეში იდებენ.

„ეს არის ცალკე ტრაგედია საგარეო ვალთან დაკავშირებით, პოლიტიკა, რომელსაც ჩვენი ხელისუფლება ახორციელებს, ამ ვალს ისე იღებენ, თითქოს ეს არ იყოს ჩვენი შვილების და შვილიშვილების გადასახდებილი.

აქ უკვე კატასროფული ვითარება გვაქვს და თან ამ ვალს იყენებენ რაში. იყენებენ, რომ ხალხის უბედურების ხარჯზე ისევ ფული გააკეთონ და ჩვენ ვიცით როგორ მოიქცნენ პანდემიის დროს, როცა 2 და 3 დღის შექმნილ კომპანიებს, რომლებიც დაფუძნებული იყო ჩინოვნიკების ნათესავებისა და პარლამენტარების ნათესავების მხრიდან, მოაგებინეს ტენდერები ან ერთ პირთან გააფორმეს ხელშეკრულებები.

ფული, რომელიც უნდა გადაიხადოს ჩვენმა შვილიშვილებმა, დღეს ჯიბეში იდებს ქართული ოცნება.“ - განაცხადა ირმა ნადირაშილმა.