მისი თქმით, მმართველ გუნდს ხალხისთვის სათქმელი აღარაფერი აქვს და არც წინასაარჩევნო პროგრამა გააჩნია, გუშინდელი პრეზენტაცია კი საზოგადოებისთვის თვალებში ნაცრის შეყრა იყო:

„ერთი შალახო აკლდა და შემდეგ განცხადება "შენ დაუკა უპატრაძლო ქორწილიაო" - სად არის პროგრამა? გუშინ, დიდი ქორწილი გამართეს და პატარძალი არ იყო. ისაუბრეს არა 8 წლიან წარსულზე, რომელმაც უბედურება მოუტანა ქვეყანას, არამედ მთელი დრო დაეთმო 8 წლის წინამორბედი ხლისუფლების 9 წლიან მმართველობას. ბიძინა ივანიშვილის გუშინდელი დღე იყო სასოწარკვეთილი ადამიანის მიმართვა, ეს იყო ისტორიის სანაგვეზე მიმავალი პარტიის რეკვიემი. მას ის ერთი ბოლო სათქმელიც არ შემორჩა, რაც ჰქონდა ბოლო არჩევნების დროს, როცა შეეხვეწა ხალხს, ერთი წელი მომეცით და ისე დავალაგებ ამ ქვეყანას, როგორც დაგიბარებიათო, მაშინაც აღარ დააყოლა ევროპას და ამერიკას გავაკვირვებო, როგორ გააკვირვა, კი ვიცით ყველამ - ევროპაც გააკვირვა, ამერიკაც და შოკში ჩააგდო ქართველი ხალხი. გზებს დავაგებო, რისი გზების დამგებია, 20-ფურცლიანი ქაღალდი ვერ მოუტანიათ იდეებით ჩამოწერილი. ამიტომ მოიტანონ პროგრამა, მაგრამ მასში რა იქნება? - ისეთივე სიცრუე, რაც გვინახავს. რადგან იმ ფილმით დავიწყე - „დაუკარით, უპატარძლო ქორწილიაო“ - ხალხო, რაც გინახავთ ვეღარ ნახავთ," - განაცხადა გოცირიძემ.

შეგახსენებთ, რომ "ქართულმა ოცნებამ" გუშინ საარჩევნო სიისა და პროგრამის პრეზენტაცია გამართა.