არანაირ პერსპექტივაზე, რა როგორ შეიძლება გამოსწორდეს, საუბარი არ არის

არანაირ პერსპექტივაზე, რა როგორ შეიძლება გამოსწორდეს, საუბარი არ არის - ხოშტარია ოცნების საარჩევნო პროგრამაზე

პოლიტიკა - 14:35, 02 Oct, 2020

818

ევროპული საქართველოს მაჟორიტარობის კანდიდატი ვაკისა და საბურთალოს ოლქში, ელენე ხოშტარია, ქართული ოცნების გუშინდელ პროგრამის პრეზენტაციას აფასებს.

ხოშტარიას თქმით, ბიძინა ივანიშვილის მტკიცება, რომ ადამიანები აყვავდნენ, არის მოსახლეობის შეურაცხყოფა.

ხოშტრაიამ აღნიშნა, რომ ქართულ ოცნებას რაიმე პრეტენზიაც კი არ გამოუთქვამს, რომ რამე შესთავაზოს მოსახლეობას ან რამეზე პასუხისმგებლობა აიღოს.

„ოცნების“ გუშინდელი გამოსვლა იყო არა პროგრამის წარდგენა, არამედ მორიგი თავდასხმა ყველა სხვაზე, ოპონენტებზე. ამაში არის პრობლემა, რომ “ქართული ოცნება” პრეტენზიასაც კი არ გამოთქვამს, რომ რამე შესთავაზოს მოსახლეობას ან რამეზე პაუსხისმგებლობა აიღოს. იყო ლაპარაკი, რომ ეს იყო აყვავების 8 წელი მაშინ, როდესაც ადამიანებმა ზუსტად იციან, აყვავდნენ, დაკარგეს სამსახური, კარგად არიან თუ ცუდად. აბსოლუტური შეურაცხყოფაა ადამიანების, რომ ბიძინა ივანიშვილი უმტკიცებს - „თქვენ აყვავდით“, მაშინ, როდესაც ისინი თავის თავზე გრძნობენ, რომ ასე არ არის. არანაირ პერსპექტივაზე, რა როგორ შეიძლება გამოსწორდეს, საუბარი არ არის” - განაცხადა ელენე ხოშტარიამ.