"ქართული ოცნების" თავმჯდომარემ, ბიძინა ივანიშვილმა პარტიის ეკონომიკური პროგრამის წარდგენაზეც წინა ხელისუფლება ლანძღა.

ივანიშვილმა ისევ აღნიშნა, რომ წინა ხელისუფლებამ "ვერ აირიდა ავანტიურა" და და მთავარსარდალი ომის დროს "ლაჩრულად" გაიქცა ბრძოლის ველიდან. წინა ხელისუფლებას მან მედიისა და ადამიანის უფლებების შეზღუდვაც წამოაძახა და ხაზი გაუსვა იმ ფაქტს, რომ ისინი "ეკლესიას ავიწროვებდნენ".

"ჩვენ ყოველთვის გვემახსოვრება ქართული ტრადიციული ცხოვრების წესის გაუკუღმართების, ჩვენი კულტურული თვითმყოფადობის წაშლისა და საქართველოს ისტორიის თავიდან გადაწერის ავადმყოფური წყურვილი. ოჯახის ფენომენზე გააფთრებული იერიშის, ქართული სახელმწიფოებრიობის ერთ-ერთი საყრდენის საქართველოს მართლმადიდებლური ეკლესიის შევიწროებისა და დაქსაქსვის გამუდმებული მცდელობები", - განაცხადა მან.