„პირველი ფაქტორი - ჟურნალისტები ჩააგდეს უკიდურესად მძიმე ვითარებაში, სცემეს, დაარღვიეს მათი, როგორც ადამიანის უფლებები და მეორე ფაქტორია ის, რომ ამ ყველაფერს უყურებს ამომრჩეველი და თითოეული საჯარო მოხელე, რომელიც დასაქმებულია და უჩნდება შიში როგორც სამუშაოს დაკარგვის, ასევე იგივე ვითარებაში ჩავარდნის. ეს არის შორს მიმავალი გეგმა, რომელიც ძალიან დიდი ხანია ხორციელდება.

ეს ორმაგი დანაშაულია, ვინაიდან მასში მონაწილეობენ საჯარო მოხელეები , საკრებულოს წევრები და "ქრთული ოცნების" აქტივისტები , რომლებსაც დაუსჯელობის განცდა აქვთ .

"ქართული ოცნების" პასუხი ამ ქმედებაზე არის „დაველოდოთ გამოძიებას“. არც ერთ მსგავს დანაშაულზე არავინ დასჯილა. საუკეთესო შემთხვევაში მხოლოდ 500 ლარიანი ჯარიმებით შემოიფარგლებიან. ასევე იქნება ახლაც, უკეთესის მოლოდინი არ გვაქვს. თუმცა ეს ყველაფერი დიდხანს არ გასტანს, ყველა დაისჯება თავისი ქმედების გამო .“