"უცნაური სიმპტომები აქვს კოვიდს... ამ დაავადების შესახებ ეს აქამდე არ ვიცოდი "- როგორია თეონა ცხომელიძის ჯანმრთელობის მდგომარეობა და რა საყურადღებო სიმპტომებზე საუბრობს ჟურნალისტი

საზოგადოება - 18:31, 12 Sep, 2020

19913

რუსთავი 2-ის სახე, თეონა ცხომელიძე კორონავირუსს ებრძვის. ჟურნალისტი პირველ საუნივერსიტეტო კლინიკაშია მოთავსებული. ცოტა ხნის წინ, მან სოციალური ქსელში ვიდეომიმართვა გაავრცელა და კორონავირუსისთვის დამახასიათებელ სიმპტომებსა და მის ამჟამინდელ მდგომარეობაზე ისაუბრა.

“ნორმალურად ვარ. ორი დღეა ტემპერატურა არ მაქვს. უცნაური სიმპტომები აქვს კოვიდს, რაც არ ვიცოდი და ყველა ის ადამიანი უნდა იყოს ყურადღებით, ვისაც შეიძლება ეს სიმპტომები ჰქონდეს. მე ვერ მივხვდი, რომ ეს შეიძლება კოვიდი ყოფილიყო და არ მქონდა ამის შესახებ ინფორმაცია. ეს არის: ზურგის ტკივილი და სახსრების ტკივილი, განსაკუთრებით ფეხები…

ძალიან ბევრი ადამიანი მწერს, რომ როგორ მივხდეთ რომ კოვიდია, თუ უსიმპტომო ხარ, რატომ მიხვედი ექიმთან და ა.შ.

ექიმთან მივედი, რადგან ღამით მქონდა სიცხე და დილით, როგორც პროტოკოლია ვალდებული ვიყავი ცხელების ცენტრში მივსულიყავი. რომ წამოვედი, სიცხე უკვე აღარ მქონდა.

ერთი რასაც ეპიდემიოლოგებთან მუშაობის პროცესში მიხვდი არის, რომ ძალიან მნიშვნელოვანია გვეკეთოს პირბადე. როცა ვარკვევდით სად, ვისთან ვიყავი, აღმოჩნდა, რომ იქ სადაც ორივე ადამიანს გვეკეთა პირბადე, ყველა ის კონტაქტი გამოირიცხა…

ნებისმიერ დროს პირბადის გამოყენება ნიშნავს იმას, რომ ძალიან ბევრ ადამიანს მართლა გადავარჩენთ”- ამბობს თეონა ცხომელიძე.