აქცია განათლების სამინისტროსთან - მოსწავლეების მშობლები და სკოლის დირექტორები სასწავლო პროცესის 1 ოქტომბრამდე გადავადებას აპროტესტებენ და ფიქობენ, რომ სასწავლო დაწესებულებები ყველა ნორმას აკმაყოფილებენ, რათა სწავლა 15 სექტემბერს დაიწყოს.

გარდა ამისა, აქციის მონაცილეები დისტანციური სწავლების სისუსტეზეც ლაპარაკობენ.

"დისტანციური სწავლება, მოკლედ რომ ვთქვა, არის ბლეფი. არანაირად არ ამართლებს ეს მიდგომა. დიდი ფინანსური ხარჯი გავწიეთ იმისათვის, რომ ყველაფერი მოგვეწესრიგებინა მთავრობის მოთხოვნების შესაბამისად. ეს არის არასერიოზული დამოკიდებულება სასწავლო პროცესის მიმართ და მისი დისტანციური მეთოდით ჩანაცვლება ჩვენთვის მიუღებელია", - ამბობს აქციის მონაწილე.