ფილარმონიასთან, კლუბ „დეჟავუში“ მომხდარი აფეთქების შედეგად დაშავებულ ერთ-ერთ პაციენტს ალადაშვილის კლინიკაში ოპერაცია ჩაუტარდა და მისი ჯანმრთელობის მდგომარეობა სტაბილურია.

„პაციენტი სასწრაფომ შემოიყვანა დიაგნოზით: პოლიტრავმა, გულ-მკერდის დახურული ტრავმა, აღენიშნებოდა ნაფლეთოვანი ჭრილობები კისრისა და მარჯვენა ზედა კიდურის მიდამოებში. ჩატარდა სათანადო კვლევები, თავის კომპიუტერული ტომოგრაფია, მუცლის ღრუს, გულ-მკერდის რენტგენოგრაფია. 20:00 საათზე შეიყვანეს საოპერაციოში და ჩაუტარდა ოპერაცია, ჭრილობების პირველადი ქირურგიული დამუშავება, დაზიანებული კუნთების მთლიანობის აღდგენა, დრენირება. ამ წუთისთვის მდგომარეობა შეესაბამება გადატანილ ოპერაციას, სტაბილურია და პაციენტი კონტაქტურია",- განაცხადა ექიმმა.