ტრაგედია თერჯოლაში - გარდაცვლილი 11 წლის მოზარდის ბებია ტრაგედიის დეტალებზე „მთავარი არხის“ ეთერში საუბრობს. ბებიამ აღნიშნა, რომ მამაკაცი მეუღლეზეც ძალადობდა და მას სასტიკად უსწორდებოდა. აღსანიშნავია ისიც, რომ ოჯახში არსებული კონფლიქტის შესახებ პოლიციისათვის ყველაფერი ცნობილი იყო, თუმცა რეაგირება არავინ მოახდინა.

„ბავშვის დედასაც ერჩოდა. ჩემს შვილს სცემდა, სასტიკად აწამებდა და დაჩოქილს ათენებინებდა ღამეებს. ერთ დღეს გალახა, თმებით ათრია და სამუშაოდ გააგდო საბერძნეთში. პოლიცია საქმის კურსში იყო და არავინ ახდენდა რეაგირებას. ყოველ ღამე აწიოკებდა შვილებს და გარეთ ყრიდა. მეზობლები ასე მეუბნებოდნენ მოგვბეზრდა უკვე მაგათი გაშველებაო“, – აღნიშნა გარდაცვლილი ბავშვის ბებიამ.